«Ռեալը» դեռ կարող է հաղթել Չեմպիոնների լիգան այս մրցաշրջանում. Ժոզե Մոուրինյու

«Բենֆիկայի» գլխավոր մարզիչ Ժոզե Մոուրինյուն ամփոփել է Չեմպիոնների լիգայի շրջանակում Մադրիդի «Ռեալի» նկատմամբ տարած հաղթանակը (4-2):

​Լիսաբոնյան ակումբը «արքայական» ակումբին զրկել է 1/8 եզրափակչի ուղիղ ուղեգրից։ «Արծիվների» համար վճռորոշ է եղել չորրորդ գոլը. 98-րդ րոպեին դարպասապահ Անատոլի Տրուբինի դիպուկ հարվածը թիմին տեղ է ապահովել փլեյ-օֆֆի անցումային փուլում: ​«Մենք արժանի էինք այս հաղթանակին։ Մբապեն երկու հնարավորություն ունեցավ և խփեց երկու գոլ։ «Ռեալին» հաղթելը մեծ նվաճում է «Բենֆիկայի» համար։ Չնայած այս արդյունքին՝ կարծում եմ, որ «Ռեալը» դեռ կարող է հաղթել Չեմպիոնների լիգան այս մրցաշրջանում»,- լրագրողների հետ զրույցում նշել է Մոուրինյուն:

Հատկանշական է, որ «Բենֆիկայի» և մադրիդյան գրանդի ճանապարհները կարող են կրկին խաչվել հենց անցումային խաղերում։