Վիզաների ազատականացման երկխոսություն տարվում է բացառապես Հայաստանի հետ. Մարագոս
ՆԳՆ միգրացիայի և քաղաքացիության ծառայության պետ Նելլի Դավթյանը հունվարի 22-ին մասնակցել է «Աջակցություն Միգրացիայի և քաղաքացիության ծառայության բարեփոխումներին» ծրագրի ամփոփիչ միջոցառմանը։ 2023 թվականից մեկնարկած ծրագրի նպատակը միգրացիոն ոլորտում իրականացվող բարեփոխումների հաջողությունն է։
Միջոցառմանը մասնակցել են Հայաստանում ԵՄ պատվիրակության ղեկավար, դեսպան Վասիլիս Մարագոսը, Միգրացիոն քաղաքականության մշակման միջազգային կենտրոնի Արևելյան Եվրոպայի և Կենտրոնական Ասիայի տարածաշրջանային համակարգող Ռադիմ Զակը, նույն կազմակերպության հայաստանյան գրասենյակի ղեկավար Անդրեյ Ափոյանը, ոլորտի այլ դերակատարներ։
Հայաստանում ԵՄ պատվիրակության ղեկավար, դեսպան Վասիլիս Մարագոսը, անդրադառնալով միգրացիայի և քաղաքացիության ոլորտում արձանագրված շոշափելի արդյունքներին՝ կարևորել է ՆԳՆ կառուցվածքում նոր ծառայության ինստիտուցիոնալացումն ու միգրացիոն գործընթացների լավարկումը։ Ընդգծելով մուտքի արտոնագրերի ազատականացման վերաբերյալ արդյունավետ երկխոսությունը՝ դեսպանն դեսպանը փաստել է, որ այն ներկայումս տարվում է բացառապես Հայաստանի հետ։
Միգրացիոն քաղաքականության մշակման միջազգային կենտրոնի տարածաշրջանային համակարգող Ռադիմ Զակը նշել է, որ Եվրոպական միության հետ ձևավորված փոխվստահությունը հաստատուն հիմք է համագործակցության շարունակականության և նոր ծրագրերի իրականացման համար։
Անդրադարձ է կատարվել Ծրագրի շրջանակում միջազգային լավագույն փորձի տեղայնացմանը, անձնակազմի մասնագիտական կարողությունների շարունակական զարգացմանն ու միգրացիոն ոլորտի թվայնացման գործընթացին վերաբերող հարցերի։
«Աջակցություն Միգրացիայի և քաղաքացիության ծառայության բարեփոխումներին» ծրագիրը ֆինանսավորվել է Եվրոպական միության կողմից։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Գազամատակարարման վթարային դադարեցում Երևանի մի շարք հասցեներում
Կենսաթոշակի նշանակման համար ստաժի հաստատումը հեշտացնելու աշխատանքներ են տարվում