Չինական նոր ռազմական դրոնը 100 տոկոս ճշգրտություն է ցուցադրել փորձարկումների ժամանակ

Չինաստանը փորձարկել է ռազմական անօդաչու թռչող սարք, որն ունի ստանդարտ հետեւակային հրացան եւ հասել է 100 տոկոս ճշգրտության մարդու չափերով թիրախի վրա կրակելիս, հաղորդել է South China Morning Post-ը։ Journal of Gun Launch and Control ամսագրւմ հրապարակված հետազոտության համաձայն՝ անօդաչու թռչող սարքը արձակել է 20 միանվագ կրակոց մոտ 10 մետր բարձրության եւ 100 մետր հեռավորության վրա, որոնցից յուրաքանչյուրը դիպել է թիրախին։ Գնդակների կեսը դիպել է մոտ 11 սանտիմետր շառավղով, ինչը համադրելի է գլխին արձակված կրակոցին։

Համակարգն այժմ կարող է միայն առանձին, այլ ոչ թե ավտոմատ կրակ բացել։ Մշակողները չեն նշել, թե երբ եւ արդյոք անօդաչու թռչող սարքը կանցնի սպառազինությունների շարքը։