Ուկրաինայի նախագահ Վլադիմիր Զելենսկին հայտարարել է, որ Աբու Դաբիում ընթացող բանակցություններում քննարկվում են հակամարտության դադարեցման պարամետրերը։
«Ուկրաինայի ներկայացուցիչները գրեթե ամեն ժամ ինձ զեկուցում են։ Նրանք այժմ գտնվում են Էմիրություններում։ Այսօր այնտեղ են ուկրաինական, ամերիկյան և ռուսական պատվիրակությունները։ Մենք արդեն զրույց ենք ունեցել… նրանք քննարկում են պատերազմի դադարեցման պարամետրերը», - ասել է Զելենսկին իր Telegram ալիքում հրապարակված հայտարարության մեջ։
Անվտանգության հարցերով Ռուսաստանի, ԱՄՆ-ի և Ուկրաինայի եռակողմ աշխատանքային խմբի առաջին հանդիպումը ընթանում է Աբու Դաբիում։ Բանակցությունները կշարունակվեն նաև շաբաթ օրը։
Ամերիկյան կողմը ներկայացնում են նախագահի հատուկ բանագնաց Սթիվ Ուիթքոֆը, Դոնալդ Թրամփի փեսա Ջարեդ Քուշները, Դաշնային գնումների ծառայության հանձնակատար Ջոշ Գրյունբաումը և ՆԱՏՕ-ի՝ Եվրոպայում դաշնակից ուժերի գերագույն հրամանատար Ալեքսուս Գրինկևիչը։
Ռուսական կողմից բանակցություններին մասնակցում են Ռուսաստանի պաշտպանության նախարարության ներկայացուցիչներ՝ գլխավոր շտաբի գլխավոր վարչության պետ, ծովակալ Իգոր Կոստյուկովի գլխավորությամբ։
Ուկրաինան ներկայացնում են Ազգային անվտանգության և պաշտպանության խորհրդի քարտուղար Ռուստեմ Ումերովը, Ուկրաինայի նախագահի աշխատակազմի ղեկավար Կիրիլ Բուդանովը, գրասենյակի ղեկավարի առաջին տեղակալ Սերգեյ Կիսլիցյան, «Ժողովրդի ծառա» կուսակցության խմբակցության ղեկավար Դավիթ Արախամիան և Ուկրաինայի զինված ուժերի գլխավոր շտաբի պետ, գեներալ-լեյտենանտ Անդրեյ Խնատովը։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Գազամատակարարման վթարային դադարեցում Երևանի մի շարք հասցեներում
Կենսաթոշակի նշանակման համար ստաժի հաստատումը հեշտացնելու աշխատանքներ են տարվում