Չինաստանի դեսպան. Հայաստանի հետ հարաբերությունները այս տարի նոր մակարդակի են հասել

Հայ-չինական հարաբերությունները նոր մակարդակի են հասել, և այս նոր փուլում մեզ համար լայն հեռանկարներ են բացվում, և մենք կարող ենք ապագայի համար տարբեր ծրագրեր կազմել: Այս մասին դեկտեմբերի 17-ին «Չինաստանի և Հայաստանի միջև ռազմավարական գործընկերության ամրապնդում. կառավարման ոլորտում փորձի փոխանակման շուրջ երկխոսություն» համաժողովի ժամանակ հայտարարեց Հայաստանում Չինաստանի արտակարգ և լիազոր դեսպան Լի Սինվեյը:

Վարչապետ Փաշինյանը այցելեց Չինաստան, հանդիպեց նախագահ Սի Ծինպինին։ Հանդիպման կարևոր ձեռքբերումն եղավ երկու երկրների միջև ռազմավարական գործընկերության հաստատման մասին համատեղ հայտարարությունը և երկկողմ համագործակցությանը վերաբերող մի շարք այլ համաձայնագրերի ստորագրումը։ Հայ-չինական հարաբերությունները հասել են նոր մակարդակի։ Այս նոր մեկնարկային կետում մենք կանգնած ենք լայն հեռանկարների առջև և կարող ենք տարբեր ծրագրեր կազմել ապագայի համար։

Վերադառնանք Չինաստանի կառավարման փորձին առնչվող թեմային։ Այս տարվա կարևոր իրադարձություններից էր Չինաստանի կոմունիստական կուսակցության հոկտեմբերին կայացած 20-րդ կենտրոնական կոմիտեի չորրորդ լիագումար նիստը։ Ինչո՞ւ է այն կարևոր։ Որովհետև այս նիստում ամփոփեց Չինաստանի վերջին հինգ տարիների զարգացումը և ներկայացվեց զարգացման ծրագիր հաջորդ հինգ տարիների համար՝ 2026-ից 2030 թվականների Չինաստանի զարգացման ճանապարհային քարտեզը։ Վերջին հինգ տարիների ընթացքում Չինաստանի տնտեսությունը պահպանել է առողջ աճ. Չինաստանի՝ համաշխարհային տնտեսության մեջ ներդրումը կազմել է 30%: Չինաստանն այժմ աշխարհի ամենամեծ արտադրական երկիրն է՝ արդյունաբերության և մատակարարման շղթաների ամենալայն տեսականիով:

Չինաստանը նաև աշխարհի ամենաբաց երկրներից մեկն է ։ Մենք ամբողջությամբ վերացրել ենք արտադրական ոլորտում արտասահմանյան ներդրումների սահմանափակումները: Չինաստան արտասահմանյան ներդրումների սահմանափակումները:

Չինաստանի «Մեկ գոտի, մեկ ճանապարհ» նախաձեռնությունն այժմ վերածվել է աշխարհի ամենամեծ տնտեսական համագործակցային հարթակի, որը ներառում է ավելի քան 150 երկիր և ավելի քան 30 միջազգային կազմակերպություն: Հաջորդ հինգ տարիների ընթացքում Չինաստանը կշարունակի ապահովել բարձրորակ զարգացում, հատկապես տեխնոլոգիական նորարարությունների զգալի աճի շնորհիվ: Չին ժողովրդի կյանքն էլ ավելի կբարելավվի, Չինաստանի շրջակա միջավայրը կդառնա էլ ավելի գեղեցիկ, իսկ Չինաստանի կապերը աշխարհի հետ՝ էլ ավելի սերտ: Չինաստանն իր սեփական զարգացմամբ կշարունակի օգուտ բերել ողջ աշխարհին։

Ինչո՞ւ է Չինաստանը կարողացել նման հաջողության հասնել։ Որովհետև մենք գտել ենք Չինաստանին համապատասխանող զարգացման ուղին, այն է՝ արդիականացում չինական ոճով։ Ի՞նչ է դա։ Կարճ ասած՝ դա լայնածավալ, համընդհանուր բարգավաճման համար նախատեսված արդիականացում է, որն ապահովում է նյութական և հոգևոր զարգացման, մարդկային բարեկոցության և բնական միջավայրի միջև ներդաշնակությունը՝ ուղղված խաղաղ զարգացմանը։

Ինչո՞ւ է չինական ոճով արդիականացումը հաջողության հասել։ Որովհետև մենք ազգային և սոցիալական զարգացումը դիտարկում ենք որպես ամբողջական համակարգ, որի հիմքում ընկած է արդյունավետ կառավարումը։ Չինական կառավարման հիմնական հայեցակարգը մարդակենտրոնությունն է։ Մեր փիլիսոփայությունն է բարելավել մարդկանց կյանքը՝ նրանց կյանքը համապարփակ կերպով բարելավելու միջոցով։ Այս փիլիսոփայության շնորհիվ 800 միլիոն մարդ դուրս է բերվել աղքատությունից, ինչը 70%-ով նպաստել է համաշխարհային աղքատության կրճատմանը։ Այս տեսանկյունից Չինաստանը նախատեսվածից տասը տարի շուտ հասել է ՄԱԿ-ի 2030 թվականի համար առաջադրված նպատակներին։

Չինաստանի Կոմունիստական կուսակցության կողմից ստեղծված կառավարման մեխանիզմները Չինաստանում արդյունավետ կառավարման բանալին են: ՉԿԿ-ն կուսակցություն է, որն ունի բացառիկ հզոր կառավարչական ներուժ։ Այն ապահովում է չինական քաղաքականության կայունությունը և համակարգում է սոցիալական զարգացման բոլոր ոլորտները: ՉԿԿ-ն անձնուրաց կուսակցություն է, որի միակ նպատակն է ծառայել ժողովրդին: 2012 թվականին ՉԿԿ-ն ընդունեց «Ութ կետից բաղկացած կանոնակարգը», որը վերաբերում էր քաղաքական կուսակցությունների ինքնակարգապահության և կոռուպցիայից խուսափելու համաշխարհային մարտահրավերին:

Չինաստանի կառավարման փորձը ոչ միայն սեփական խնդիրները լուծելու համար է, այլև համընդհանուր զարգացման և համաշխարահային կառավարման խնդիրների համար լուծումներ տրամադրելու համար է, այդ լուծում է «համընդհանուր ճակատագիր ունեցող համայքնի» նախաձեռնության ներկայացումը։ Նախագահ Սի Ծինփինի կողմից առաջարկված այս նախաձեռնությունը ութ տարի անընդմեջ ներառվել է ՄԱԿ-ի Գլխավոր ասամբլեայի բանաձևերում։ Այս տարի նախագահ Սին հանդես եկավ ևս մի նախաձեռնությամբ՝ «Գլոբալ կառավարում» նախաձեռնությամբ, որին իր աջակցությունն է հայտնել Նիկոլ Փաշինյանը։ Վերջերս ՄԱԿ-ի կենտրոնական գրասենյակում ստեղծվեց «Գլոբալ կառավարման բարեկամների խումբը», Չինաստանը ողջունում է
Հայաստանի մասնակցությունը այդ նախաձեռնությունում։

Վերջապես, կցանկանայի նշել, որ Չինաստանի կառավարման յուրօրինակ փորձը միայն Չինաստանի պատմության մաս չէ. այն անբաժանելի է համաշխարհային կառավարումից: Չինաստանն ու Հայաստանը հինավուրց քաղաքակրություններ են։ Մենք երկուստեք հույս ենք հայտնում հասնել ազգային զարգացմանը և մեր ժողովուրդների երջանկությանը, ձգտում ենք համաշխարհային խաղաղությանը և պայծառ ապագային: Խաղաղ զարգացման և համաշխարհային կառավարման գործում մենք, անկասկած, գործընկերներ ենք: Չինաստանը պատրաստ է կիսվել իր զարգացման փորձով և հնարավորություններով: Լիահույս ենք Հայաստանի լուսավոր ապագայի ականատեսը լինելուն։ Շնորհավորում եմ բոլորին Ամանորի առթիվ և մաղթում ամենայն բարիք: