Կինն ամուսնու դավաճանությունը բացահայտել է Instagram–ի մեկ լուսանկարի միջոցով

Մանկական ատամնաբույժ Յուլյա Ագրանովիչը Instagram–ի միջոցով բացահայտել է ամուսնու դավաճանությունը՝ անծանոթ աղջկա նկարներում հայտնաբերելով սեփական ննջարանի պատուհանից բացվող տեսարանը։ Դավաճանության մասին Ագրանովիչը հայտնել է սոցցանցի իր էջում, փոխանցում է Lenta.ru–ն։

Համոզվելով, որ լուսանկարն իրոք արվել է իրենց ննջարանի պատուհանից՝ աղջիկը ամուսնուն հարցրել է, թե վաղուց է նա իրենց տուն մարմնավաճառներ բերում։ Դրանից հետո նա սիրուհու գրառումը տարածել է սեփական էջում, նամակագրություն սկսել նրա հետ եւ հրապարակել այդ խոսակցության սքրինշոթերը։

Խաբված կինը վստահեցնում է, որ չի նեղացել ամուսնուց։ «Ինձ համար նա մահացել էր դեռ 2016-ի դեկտեմբերին, երբ ինձ միայնակ էր թողել մեր ընդհանուր վշտի հետ»,– գրել է նա Instagram–ում։

Լուրեր Հայաստանից - NEWS.am