ՔՊ-ական Սարիկ Մինասյանը քարոզարշավը չմեկնարկած փաստացի քարոզարշավ է սկսել Գյումրիում
«Ժողովուրդ» օրաթերթը գրում է. «Գյումրու համայնքապետի ԺՊ նշանակված Սարիկ Մինասյանը, որը համայնքապետի՝ մարտին կայանալիք ընտրությունների ժամանակ գլխավորելու է ՔՊ ցուցակը, դեռ պաշտոնական քարոզարշավը չմեկնարկած՝ արդեն սկսել է փաստացի քարոզարշավը։
Նրա ֆեյսբուքյան պաշտոնական էջը ողողված է ինքնագովազդային հրապարակումներով:
«Ժողովուրդ» օրաթերթը նկատեց, որ նորաթուխ ՔՊ-ական համայնքապետի թեկնածուն մե՛կ նվերներ է բաժանում քաղաքացիներին, մե՛կ հանդիպումներ ունենում բնակիչների, երիտասարդների եւ տարբեր ոլորտների ներկայացուցիչների հետ ու ամենօրյա ռեժիմով գովազդում իր գործունեությունը:
Այսպիսով, ակնհայտ է, որ մարտին կայանալիք համայնքապետի ընտրություններն անհավասար պայմաններով են ընթանալու:
Մինչ ՔՊ-ի թեկնածուն ընտրություններից ամիսներ առաջ սկսել է քարոզարշավը ու հանրությանը ցույց է տալիս աշխատանքը, մյուս թեկնածուները նման հնարավորություն չունեն:
ՀՀ ընտրական օրենսգիրքը սահմանում է.
«1. Նախընտրական քարոզչության ժամանակահատվածը սույն օրենսգրքով սահմանված այն ժամանակահատվածն է, որի ընթացքում ընտրություններին մասնակցող կուսակցություններին, թեկնածուներին հավասար հնարավորություններ ապահովելու նպատակով գործում են հանրային ռեսուրսներից օգտվելու, քարոզչություն իրականացնելու եւ ֆինանսական թափանցիկությունն ապահովելու` սույն օրենսգրքով սահմանված կանոնները:
Նախընտրական քարոզչության ժամանակահատվածը սկսվում է ընտրություններին մասնակցող կուսակցությունների ընտրական ցուցակների, թեկնածուների գրանցման համար սույն օրենսգրքով սահմանված ժամկետի վերջին օրվան հաջորդող 7-րդ օրը եւ ավարտվում քվեարկության օրվանից մեկ օր առաջ: Այդ ժամանակահատվածում քարոզչությունը ստորեւ անվանվում է նախընտրական քարոզչություն»:
Այս դեպքում, սակայն, թե’ հավասարության, թե’ ժամկետի հետ կապված պահանջները փաստացի խախտված են:
«Ժողովուրդ» օրաթերթը դիմեց ԿԸՀ՝ պարզելու՝
∙ ինչպե՞ս են վերաբերվում պետական այս հաստատությունում օրինազանցության փաստացի դեպքին:
∙ Ինչո՞ւ չեն արձանագրվել այս խախտումները, ինչո՞ւ ՔՊ հիմնադիրներից Վահագն Հովակիմյանի գլխավորած ԿԸՀ-ն հայտարարությամբ հանդես չի գալիս սրա վերաբերյալ:
ԿԸՀ-ից գրավոր հարցում պահանջեցին, որը ուղարկել ենք եւ պատասխանը ստանալուն պես՝ կհրապարակենք»:
Մենք մեր ադրբեջանցի գործընկերների հետ կբարձրացնենք Ռուսական տան հարցը. Պուտինի մամուլի քարտուղար
Դատախազությունը կստուգի է Wildberries-ը՝ մերկ խուզարկությունների վերաբերյալ բողոքներից հետո
Զախարովան՝ ԱՄՆ-ի հետ Հայաստանի կապերով մտահոգված ադրբեջանցի լրագրողին. մնացեք ձեր օրակարգում
ԱԺ նախագահի խորհրդականի գործառույթները հույժ գաղտնի են
Վերակենդանացման բաժանմունքում մահացել է Գեղարքունիքի մարզից 14-ամյա վրաերթի ենթարկված երեխան
Ինչո՞ւ է Աննա Հակոբյանն ընտրել Ստանիսլավսկու թատրոնը
Շունչը պահած սպասում են Ռուսաստանի արձագանքին
Նոր Կտակարանի այդ ո՞ր արժեքի կամ սկզբունքի հիման վրա են ամենօրյա ստերը, թշնամանք ու ատելություն տարա...
Խորոված կծու բիբարի, կծու նագեթսի համար վճարված չեկով անհույս փորձում են վալիդատրի միջոցով վճարում կ...
Եթե ԱՄՆ-ն սպառնա մեզ, մենք առանց վարանելու կսպառնանք նրանց անվտանգությանը. Խամենեի