Ծերացման դանդաղեցման մեխանիզմ ընդհատուն քաղցելու միջոցով
Մոլեկուլյար կենսաբանների ինտերնացիոնալ թիմը կարեւոր բացահայտում է կատարել՝ կապված ծերացման պրոցեսի հետ։ Հետազոտությունը, որի արդյունքները հրապարակվել են Nature պորտալում, ցույց է տվել, թե ինչպես է ընդհատուն քաղցելը դանդաղեցնում ծերացումը եւ բարելավում առողջությունը։
Ավելի վաղ հայտնի էր, որ կալորիականության սահմանափակումը եւ ընդհատուն քաղցելը երկարացնում են ինչպես լաբորատոր կենդանիների, այնպես էլ մարդկանց կյանքը եւ բարելավում նրանց առողջությունը, գրել է Planet Today-ը։ Բայց այժմ գիտնականները պարզել են, որ այդ էֆեկտները կապված են բնական նյութի՝ սպերմիդինի հետ։ Դա պոլիամին է, որն օգնում է բջիջներին մաքրվել եւ պաշտպանել օրգանիզմը սիրտ-անոթային եւ նեյրոդեգեներատիվ հիվանդություններից։
Հետազոտողները հայտնաբերել են, որ քաղցելու տարբեր ռեժիմների դեպքում սպերմիդինի մակարդակը բջիջներում բարձրացել է։ Իսկ երբ գիտնականներն արգելակել են սպերմիդինի սինթեզը, քաղցելու դրական էֆեկտները թուլացել են։
Սպերմիդինը օգնում է ներառել աուտոֆագիայի պրոցեսը, երբ բջիջները վերամշակում եւ հեռացնում են վնասված կամ անպետք բաղադրիչները։ Այն ազդում է նաեւ հատուկ սպիտակուցի վրա, որը մասնակցում է այլ սպիտակուցների սինթեզի կարգավորմանը, ինչը նույնպես կապված է կյանքի երկարացման հետ։
Ընդհանուր առմամբ, հետազոտություը ցույց է տալիս, որ սպերմիդինը կարեւոր դեր է խաղում այն մեխանիզմներում, որոնց շնորհիվ ընդհատուն քաղցելը կարող է դանդաղեցնել ծերացումը եւ բարելավել առողջությունը՝ նոր ուղիներ բացելով պոտենցիալ թերապիաների համար։
Լույսն ամենաթանկ նվերն է, որ կարող ես տալ մարդուն
Առաջին նոր երգ` հարսանիքից հետո
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Ով կներկայացնի Հայաստանն այս տարի «Մանկական Եվրատեսիլ» մրցույթում
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...