Գիտնականները թռչող միկրոռոբոտ են մշակել՝ թռիչքի և օդում կայունության յուրահատուկ մեխանիզմով

Ռնգեղջյուր բզեզն օժտված է յուրահատուկ հատկությամբ՝ նա պասիվորեն՝ առանց մկանների օգտագործման ընդարձակում և հետ է քաշում իր հետևի թևերը։

Այս ունակությամբ ոգեշնչված՝ հետազոտողների միջազգային թիմը ստեղծել է թռչող միկրոռոբոտ, որը ցույց է տալիս, որ թևերի պասիվ բացումը կարող է արդյունավետորեն ծառայել կայուն և վերահսկվող թռիչքի համար:

Հետազոտության արդյունքները հրապարակվել են Nature հանդեսում։

Թիմն օգտագործել է թռիչքի ժամանակ միջատների դանդաղեցրած կադրերը՝ ստեղծելու համար համակարգ, որը նմանապես բացում և ներքաշում է իր թևերը:

Հետազոտությունը ցույց է տվել, որ բզեզներն օգտագործում են առաձգականության էներգիան և ծափահարման ուժը՝ պասիվորեն տեղակայելու համար իրենց հետևի թևերը թռիչքի համար և ներքաշելու դրանք՝ վերնաթևերի (փոփոխված, ամրացված բզեզի առջևի թևեր) օգնությամբ, առանց ապավինելու հատուկ կրծքամկաններին:

Թիմը կիրառել է այս սկզբունքը թափահարվող թևերով միկրոռոբոտների վրա՝ ցուցադրելով պասիվ թևերի տեղակայում թռիչքի համար, կայուն սավառնում և արագ ներքաշում վայրէջքի կամ հարվածի ժամանակ:

Ի տարբերություն ֆիքսված, երկարաձգված թևերով նախկին ռոբոտների, այս կառուցվածքում օգտագործում է առաձգական ջիլ՝ հեշտացնելու համար թափահարման շարժումից առաջացող թևերի ծալումն ու բացումը:

Ռոբոտի թևերը կարող են կրճատել իրենց բացվածքը 20 սմ-ից մինչև 3 սմ, երբ ծալվում և բացվում են թևերի թափահարման երկու բոլորշրջանների ընթացքում՝ հետ քաշվելով շարժիչն անջատելուց հետո՝ 100 մվրկ.-ի ընթացքում:

Թիմի կարծիքով՝ այս հետազոտությունը հնարավորություն է տալիս ավելի լավ հասկանալ միջատների տեղաշարժը և միկրոռոբոտների դիզայնը: