Անվտանգության երաշխիքները պետք է տարածվեն Ուկրաինայի եւ Ռուսաստանի, Ադրբեջանի, Վրաստանի, Հայաստանի վրա․ Մակրոն
Եվրոպան պետք է ավելի ակտիվ դեր խաղա ՆԱՏՕ-ում՝ նվազեցնելով իր կախվածությունը ԱՄՆ-ից եւ զարգացնելով սեփական պաշտպանական ներուժը՝ Ուկրաինայում պատերազմից ցնցված տարածաշրջանում խաղաղություն ապահովելու համար։
Ամմանում (Հորդանան) գագաթաժողովից Փարիզ վերադառնալուց հետո լրագրողների հետ զրույցում Մակրոնն ընդգծել է, որ եվրոպական պաշտպանությունը զարգացնելու իր ձգտումը ՆԱՏՕ-ի այլընտրանք չի համարում: Նրա խոսքով՝ ավելի ուժեղ Եվրոպան թույլ կտա մայրցամաքին ավելի ինքնավար դառնալ դաշինքի շրջանակում՝ գործելով «ՆԱՏՕ-ի ներսում, ՆԱՏՕ-ի հետ միասին, բայց նաեւ կախված չլինելով ՆԱՏՕ-ից»։
«Դաշինքն այն չէ, ինչի վրա պետք է հույս դնեմ։ Դա այն է, ինչ ես պետք է ընտրեմ, այն, ինչի հետ աշխատում եմ։ Մենք պետք է վերաիմաստավորենք մեր ռազմավարական ինքնավարությունը։ Եվրոպան պետք է ավելի շատ ինքնավարություն ստանա տեխնոլոգիաների եւ պաշտպանական հնարավորությունների առումով, այդ թվում՝ ԱՄՆ-ից»,-ասել է նա։
«Մակրոնն արդեն զայրացրել է Ուկրաինային եւ նրա որոշ դաշնակիցների՝ կոչ անելով Արեւմուտքին անվտանգության երաշխիքներ տրամադրել Ռուսաստանին՝ Ուկրաինայում պատերազմը դադարեցնելու եւ Եվրոպայում հակամարտության տարածումը կանխելու համար»,-գրում է WSJ-ը։
Մակրոնը նոյեմբերի վերջին մեկնել էր Վաշինգտոն՝ Բայդենի հետ պատերազմի մասին բանակցելու համար՝ հանդիպումից անմիջապես հետո հայտարարելով, որ «քննարկել են անվտանգության ճարտարապետությունը, որում ցանկանում են ապրել վաղը»։
Մակրոնը վստահեցրել է, որ աջակցում է «Ուկրաինայի բացարձակ պաշտպանության» ռազմավարությանը։ Նրա խոսքով՝ ուկրաինական մարտի դաշտը պետք է ամրագրել «նոր տեքստում, որը պետք է սահմանի ողջ տարածաշրջանի եւ Եվրոպայի քաղաքական կայունության եւ անվտանգության նոր կարգը»։ Մակրոնը նշել է, որ այդ նոր ճարտարապետության շրջանակում անվտանգության երաշխիքները պետք է տարածվեն Ուկրաինայի եւ Ռուսաստանի, ինչպես նաեւ Ադրբեջանի, Վրաստանի, Մոլդովայի եւ Հայաստանի վրա։
Երբ ես խոսում եմ երաշխիքների մասին, նկատի ունեմ բոլոր այդ երկրները»,-ասել է Մակրոնը։
«Բոլոր եվրոպացիները եւ Արեւմուտքի բնակիչները, որոնք մեզ բարոյականության դասեր են տալիս, պետք է բացատրեն ինձ, թե ով է նստելու բանակցությունների սեղանի շուրջ։ Ինչ վերաբերում է ինձ, ես չեմ ուզում, որ միայն չինացիներն ու թուրքերը ապագայի շուրջ բանակցություններ վարեն»,-հավելել է Մակրոնը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը