Սյունիքի մարզի Սրաշեն եւ Ներքին Հանդ գյուղերը հայտնվել են թշնամու թիրախի տակ. Արման Թաթոյան
Սյունիքի մարզի Սրաշեն եւ Ներքին Հանդ գյուղերը սեպտեմբերյան ագրեսիայից հետո Ադրբեջանի զինված ուժերի թիրախի տակ են հայտնվել։ Այս մասին նոյեմբերի 10-ին լրագրողների հետ հանդիպման ժամանակ ասել է «Թաթոյան» հիմնադրամի հիմնադիր, հանրապետության նախկին ՄԻՊ Արման Թաթոյանը։
Ադրբեջանական ԶՈւ-ի թիրախի տակ են հայտնվել, ինչպես նշել է Մարդու իրավունքների նախկին պաշտպանը, այդ գյուղերի տները, ճանապարհները, գերեզմանոցները, դպրոցները, արոտավայրերը եւ վարելահողերը։ «Ներքին Հանդ գյողի դպրոցի անմիջական հարեւանությամբ գտնվում է ադրբեջանական դիրքը, եւ ադրբեջանցի զինվորականների բոլոր խոսակցությունները հասնում են նրանց, ովքեր գտնվում են այնտեղ»,- ասել է Թաթոյանը, որն օրերս եղել էր այնտեղ։
Եվս մեկ մարտական դիրք գտնվում է Ներքին Հանդ գյուղի գերեզմանոցից ոչ հեռու։ Տեղի բնակիչների հավաստմամբ՝ ադրբեջանցի զինվորականները հաճախ իջնում են գերեզմանոց, ինչի պատճառով մարդիկ չեն կարողանում այցելել իրենց մերձավորների ու հարազատների շիրիմներին։
«Ե՛վ Սրաշենում, ե՛ւ Ներքին Հանդում բնակիչները չեն կարողանում զբաղվել անասնապահությամբ։ Խոշոր եղջերավոր անասունների թվաքանակը կրճատվել է 70 գլխով։ Վերջերս Ներքին Հանդի բնակչի երեք կովերը պայթել են ականի վրա»,- նշել է նախկին օմբուդսմենը։
Նա նաեւ ընդգծել է, որ ադրբեջանցիների օկուպացրած տարածքներում ակտիվորեն ինժեներական աշխատանքներ են կատարվում։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն
Բելգիայի դեսպանության բացման պաշտոնական արարողություն՝ Երևանում