Իշխանությունները խաղում են փաստաբանների հեղինակության հետ. Աննա Ծառուկյան
Փաստաբան Էրիկ Ալեքսանյանի ձերբակալությունն արժանի է դատապարտման։ Այս փաստը, մեղմ ասած, լուրջ խոչընդոտներ եւ պատնեշներ է ստեղծում փաստաբանների հետագա գործունեության համար։ Այս մասին Երեւանում հոկտեմբերի 24-ին լրագրողների հետ հանդիպման ժամանակ ասել է փաստաբան Աննա Ծառուկյանը։
Նրա խոսքով՝ ձերբակալել են մի փաստաբանի, որը բավական բարեխղճորեն էր կատարում իր մասնագիտական պարտավորությունները՝ հետաքննելով բազմաթիվ ռեզոնանսային գործեր։
«Սա օբյեկտիվ կարծիք է, եւ ոչ մեկի կողմից պատվիրված չէ։ Ներկա պահին իշխանությունները, հանձին պետության, փաստացի ապահովել են փաստաբանի ձերբակալությունը, որը զբաղվում էր բավական մեծ թվով աղմկահարույց գործերի ուսումնասիրմամբ։ Դրանց մի մասը փաստաբանի համար ավարտվել է միանգամայն հաջող։ Անձամբ ես դատապարտում եմ փաստաբանի ձերբակալությունն այդ թվում նաեւ այն պատճառով, որ սա, ինքնին, ոչ միայն նրա, այլեւ նրա պաշտպանյալների իրավունքների ոտնահարում է։ Էրիկ Ալեքսանյանին եւ նրա գործողությունները ոչ ոք չի կարող փոխարինել։ Փաստաբանի աշխատաոճը փոխելը պարզապես անհնար է»,- ասել է Ծառուկյանը։
Փաստաբանի կարծիքով՝ իրենց գործունեությունը շատ նման է նկարիչների ստեղծագործությանը։ Ծառուկյանը համոզված է. նկարչի վրձինն անհնար է փոխել։ Հետեւաբար, ինչպես նշել է իրավաբանը, «Էրիկ Ալեքսանյանի «այդքան վայրի ձերբակալությունը» կարող է հանգեցնել միայն փաստաբանի մասնագիտության վարկաբեկմանը։
«Նրանք խաղում են մեր հեղինակության հետ։ Մենք հաճախորդներ ունենք, որոնք արդեն արձագանքել են այս ձերբակալությանը։ Նրանք մեզ ուղիղ ասել են. «Եթե ձեզ հետ են այսպես վարվում, ապա ինչ երաշխիքներ կարող ենք մենք ունենալ։ Դուք, ըստ էության, մեր փոխարեն մեր իրավունքներն եք հնչեցնում։ Այնպես որ, մենք այլեւս ոչ մի հույս չունենք»,- ասել է Աննա Ծառուկյանը։
Հիշեցնենք, որ Էրիկ Ալեքսանյանը ձերբակալվել է դատավոր Արուսյակ Ալեքսանյանի գործի շրջանակում։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն