Դատավոր Անի Հարությունյանի վարույթն առնչվում է դատավոր Նարինյանի քրեական վարույթին. դատավորը պարտքով գումար էր տվել
Վարչական դատարանի դատավոր Անի Հարությունյանի վերաբերյալ քրեական վարույթն առնչվում է դատավոր Գեւորգ Նարինյանի վերաբերյալ քրեական վարույթին։ Այս մասին NEWS.am-ը տեղեկացավ Անի Հարությունյանի ներկայացուցիչ Ռուբեն Մելիքյանից։
Հիշեցնենք, որ Գլխավոր դատախազությունը Անի Հարությունյանի անձեռնմխելիությունը հաղթահարելու եւ նրա նկատմամբ քրեական հետապնդում հարուցելու վերաբերյալ միջնորդություն էր ներկայացրել Բարձրագույն դատական խորհուրդը, ինչը սակայն խորհուրդը մերժել էր։ ԲԴԽ-ի հիմնավորումն այն էր, որ առերեւույթ բացահայտված հանցագործության դեպքը կապված չէ դատավորի լիազորությունների իրականացման հետ, որպիսի պայմաններում դատավորի նկատմամբ քրեական հետապնդում իրականացնելու համար խորհրդի համաձայնությունը չի պահանջվում: Դատախազությունը որոշել է դատավոր Հարությունյանի նկատմամբ քրեական հետապնդում հարուցել։
«ԲԴԽ-ի որոշման միայն եզրափակիչ մասն է մեզ հայտնի, որը մերժելու մասին էր։ Մերժման հիմքն այն է, որ ԲԴԽ-ն գտել է՝ Դատախազությունը կարող էր քրեական հետապնդում հարուցել նաեւ առանց ԲԴԽ դիմելու»,- ասաց Մելիքյանը։
Անի Հարությունյանի մեղադրանքը վերաբերում է հայտարարագրում կեղծ տեղեկություններ ներառելուն. «Կողմը կեղծ տեղեկություն էր համարում մի փոխառության պայմանագիր, որտեղ կա բանկային փոխանցում եւ այլն։ Ըստ դատախազության՝ դա իրականությանը չի համապատասխանում»։
Մեղադրող կողմի պնդմամբ, դատավոր Անի Հարությունյանը պարտքով գումար չի տվել Գեւորգ Նարինյանին, այնինչ Հարությունյանն ասել է, որ իրականում պարտքով է գումար տվել։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն