Ընդդիմությունը Ալեն Սիմոնյանին ԱԺ նախագահի պաշտոնից հետ կանչելու օրակարգով արտահերթ նիստ կհրավիրի
«Փաստինֆո»-ն գրում է․ Ընդդիմությունը մտադիր է առաջիկայում Ալեն Սիմոնյանին ԱԺ նախագահի պաշտոնից հետ կանչելու օրակարգով արտահերթ նիստ հրավիրելու նախաձեռնությամբ հանդես գալ:
Հիշեցնենք, որ ընդդիմադիր «Հայաստան» խմբակցությունը «Ալեն Սիմոնյանին Ազգային Ժողովի նախագահի պաշտոնից հետ կանչելու վերաբերյալ» օրենսդրական նախագիծ էր շրջանառության մեջ դրել, նախագծում որպես հիմնավորում նշվում է, որ Ալեն Սիմոնյանի հայտարարություններն ու վարքագիծը ուղղակիորեն ազդում են Հայաստանի միջազգային հեղինակության, արտաքին և ներքին անվտանգության վրա, որոշ դեպքերում էլ պարունակում են անձանց պատիվը և արժանապատվությունը նսեմացնող և անմեղության կանխավարկածը ակնհայտ խախտող դրսևորումներ։
Ընդդիմադիր «Հայաստան» և «Պատիվ ունեմ» խմբակցությունները նաև Ազգային ժողովի նախագահի պաշտոնում Ալեն Սիմոնյանի ընտրությունը վիճարկել էին Սահմանադրական դատարանում: «Հայաստան» խմբակցության քարտուղար Արծվիկ Մինասյանը «Փաստինֆո»-ին հայտնեց, որ Ալեն Սիմոնյանին ԱԺ նախագահի պաշտոնից հետ կանչելու վերաբերյալ նախագիծը շրջանառության մեջ է, այն պետք է արտահերթ նիստով քննարկվի: Պատգամավորը չբացառեց, որ ՍԴ որոշման հրապարակումից հետո ընդդիմությունը այս օրակարգով արտահերթ նիստ հրավիրելու նախաձեռնությամբ հանդես գա, սակայն հստակ ժամկետ չնշեց՝ երբ: Արտահերթ նիստ հրավիրելու համար անհրաժեշտ է քաղաքական մեծամասնության ներկայությունը, որպեսզի քվորում ապահովվի.
«Մենք արդեն փորձ ունենք , որ արտահերթ նիստ ենք նախաձեռնում, բայց ՔՊ-ն չի գալիս, և քվորում չի լինում: Չեմ կարողանում ըմբռնել իրենց տամաբանությունը, ԱԺ նիստերին մասնակցելը պատգամավորի պարտականությունն է, մենք բազմիցս ականատես ենք եղել՝ թե ինչպես է ՔՊ-ն խախտում սահմանադրական և ԱԺ կանոնակարգ օրենքի դրույթները, ի՞նչ տրամաբանություն կդնեն իրենց գործողությունների հիմքում՝ չեմ կարող ասել»,-ասաց Մինասյանը:
Պատգամավոր Արամ Վարդևանյանն էլ մեզ հետ զրույցում ասաց, որ Ազգային ժողովի նախագահի պաշտոնում Ալեն Սիմոնյանի ընտրությունը վիճարկելու հարցով ՍԴ նիստը կկայանա ապրիլի 5-ին, որից հետո կորոշեն իրենց հետագա քայլերը. «Հունվար ամսին որոշվել էր, որ այն պետք է իրականացվի բանավոր ընթացակարգով, մի քանի օր առաջ ՍԴ-ն որոշեց բանավորից կրկին անցում կատարել գրավոր ընթացակարգի՝ չներկայացնելով ոչ մի հիմնավորում, սպասում ենք ՍԴ որոշմանը»,-ասաց Վարդևանյանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ