Եթե անկլավները զիջեն, ապա Ադրբեջանը Տավուշում վերահսկողության տակ է վերցնում հայ-վրացական ճանապարհը
Հայաստանի եւ Ադրբեջանի իշխանությունների միջեւ գոյություն ունի ընդհանուր փոխըմբռնում, որ պետք է տեղի ունենա դեմարկացիայի եւ դելիմիտացիայի գործընթաց: Այս մասին NEWS.am-ի հետ զրույցում ասաց քաղաքագետ Վիգեն Հակոբյանը` անդրադառնալով սահմանազատման եւ սահմանագծման մասին ԱԽ քարտուղարի հայտարարություններին:
«Սակայն սա չի նշանակում, որ եթե կա գլոբալ փոխըմբռնում, որ պետք է գնալ այս փաստաթղթին, այնուամենայնիվ կան տարաձայնություններ մեթոդոլոգիայի եւ այլ հարցերի շուրջ, քանի որ սահմանազատումը ունի նաեւ լոկալ պրոբլեմներ: Գիտենք, որ անկլավների մասին է խոսքը գնում, ընդ որում Հայաստանի համար այդ անկլավների թեման բավականին զգայուն կետեր են: Եթե այդ անկլավները զիջեն Ադրբեջանին, ապա ադրբեջանցիները վերահսկողության տակ են վերցնում ինչպես Սյունիքում է, այնպես էլ Տավուշում միջպետական հայ- վրացական ճանապարհը, Սյունիքում էլ հայ-իրանական ճանապարհը: Մենք արդեն տեսանք, թե ինչ կլինի, երբ մի քանի օր առաջ փակեցին հայ-իրանական ճանապարհը»,- ասաց նա:
Քաղաքագետի կարծիքով` Ադրբեջանը այս գործընթացը դիտարկում է հետագայում իր երկրի սահմանների ճանաչման գործընթացի հետ, ներառյալ Արցախի ճանաչումը Ադրբեջանի անքակտելի մաս, թե դրան չի վերաբերում այս գործընթացը:
«Այսինքն այստեղ այնքան խնդիրը սահմանագծման եւ սահմանզատման հարցերը չեն, որքան դրան փոխկապակցված հարցերը` Արցախի հարցը եւ կոմունիկացիաների բացման հարցը»,-ասաց նա:
Վիգեն Հակոբյանը, այնունամենայնիվ կարծում է, որ ինչքան էլ Ադրբեջանը ասի, որ այլեւս Արցախի հարց չկա, Արցախի հարցը մնում է չլուծված եւ Մինսկի խմբի երկրները համոզելով կամ սպառնալով Ադրբեջանին փորձելու են բերել բանակցությունների դաշտ:
Նշենք, որ ԱԽ քարտուղար Արմեն Գրիգորյանը օրեր առաջ անդրադառնալով սահմանազատման ու սահմանագծման խնդրին ասել է. «Հայաստանը պատրաստ է սահմանազատմանը եւ սահմանագծմանը: Մենք այս առումով արդեն հայտարարել ենք: Որեւէ աշխատանք այս պահին չի ընթանում, մենք սպասում ենք Ադրբեջանի արձագանքին, հուսով ենք, որ Ադրբեջանը եւս դրական կարձագանքի եւ հնարավորություն կստեղծի սահմանաատման եւ սահմանագծման աշխատանքները հնարավորինս արագ սկսել, որպեսզի ստեղծված ճգնաժամը սահմանին եւս հնարավորինս արագ լուծենք»:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...