Չի կարելի ծաղրել Սեւանին
Աշխարհում քաղցրահամ ջուրն ավելի ու ավելի արժեքավոր ռեսուրս է համարվում, սակայն Հայաստանում այդքան էլ լուրջ չեն վերաբերվում ջրային պաշարներին: NEWS.am-ի թղթակցի հետ զրույցում այս մասին հայտարարեց բնապահպանության նախկին նախարար Կարինե Դանիելյանը:
Անդրադառնալով լրացուցիչ ջրառի առիթով կառավարության հետ վերջին կոնֆլիկտին՝ բնապահպանը նշեց, որ վստահություն չկա, որ դրա անհրաժեշտությունն իսկապես կա:
«Քանի որ նախ այն հսկայական կորուստները, որոնք ամեն տարի արձանագրվում են ոռոգման համակարգում, նվազելու փոխարեն ավելի են ավելանում, այդ պատճառով շատերը կարծում են, որ այստեղ երկու գործոն կա. իրական կորուստներ եւ այն, որ օրենքից վեր կանգնած որոշ մարդիկ օգտագործում են ջուրն ու չեն վճարում: Բավական է ասել, որ, Վերահսկիչ պալատի տվյալներով, Սեւան-Հրազդան կասկադում կորուստները նույնիսկ գերազանցում են այն ջրի քանակությունը, որը մենք բաց ենք թողնում Սեւանից»,- նշեց Կարինե Դանիելյանը:
Նրա խոսքով՝ ջրի մակարդակի բարձրացման մեկնարկից հետո անցկացված հետազոտության արդյունքում պարզվել է, որ երբ Սեւանը սկսել է մոտենալ իր բնական վիճակին, լճում անմիջապես ակտիվացել են ինքնամաքրման պրոցեսները:
«Հիմա լիճն այդ գործընթացում է, եւ հիմա Սեւանին նման հարված հասցնելը սրբապղծություն ենք համարում: Նաեւ սեյսմիկ վտանգներ կան: Երբ ջրամբարից մեծ քանակությամբ ջուր է վերցվում, կարող է խախտվել հավասարակշռությունը: Չի կարելի այդպես ծաղրել Սեւանին»,- ընդգծեց բնապահպանը:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Մայիսի 25-28-ը մի շարք փողոցներում նախատեսված են երթևեկության սահմանափակումներ
Այս տարի ունենք ավելի քան 22,000 շրջանավարտ. վաղը կհնչի վերջին զանգը
Երեւանում եւս ժամանակ առ ժամանակ սպասվում է անձրեւ եւ ամպրոպ
Ռուսական գազի գինը Հայաստանի համար չի կարող թանկանալ
Հայաստանը առաջին անգամ հյուրընկալել է «Կոնկուրս Մոնդիալ դե Բրյուսել» գինու համտես-մրցույթը
«Ատոմային նոր էներգաբլոկի կառուցում» ՓԲԸ-ի կանոնադրական կապիտալը կհամալրվի 200 մլն դրամով
Մեկնարկել է Ռազմական սպորտի օրվան նվիրված փոխանցումավազքը
ՃՏՊ Երեւանի կենտրոնում` մահվան դեպքով