Երեւանում վարձակալությամբ տների պահանջարկը մեծացել է
Երեւանում վարձակալությամբ տների պահանջարկը մեծացել է: Հատկապես ամռանը զբոսաշրջիկներն ու արտերկրից ժամանած հայերը նախընտրում են օրավարձով տներ, մասնավորապես Փոքր Կենտրոնում:
NEWS.am-ի թղթակցի հետ զրույցում անշարժ գույքի առքուվաճառքով եւ վարձակալությամբ զբաղվող «Ակցեռն» հոլդինգի նախագահ Հակոբ Բաղդասարյանը նշեց, որ չի բացառվում, որ մի օր առաջարկը չկարողանա բավարարել պահանջարկին:
«Որքան առաջ գնանք, այնքան վարձակալությամբ տների պահանջարկը կմեծանա եւ կարող է նույնիսկ մի պահ գալ, որ առաջարկը չկարողանա պահանջարկին չբավարարել: Օրավարձով տներն էլ սեզոնային բնույթ են կրում եւ հատկապես ամռանն ակտիվություն է նկատվում: Օրավարձով տների գների էական բարձրացում չկա, բայց դեֆիցիտի հաշվին կարող են ավելի բարձր գին ասել»,- ասաց Հակոբ Բաղդասարյանը:
Հոլդինգի նախագահի խոսքով, որքան Հայաստանում տուրիզմը զարգանա, այնքան օրավարձով տների պահանջարկը կմեծանա:
«Բարս» անշարժ գույքի գործակալության տնօրեն Մարինա Չատինյանը մեզ հետ զրույցում նշեց, որ օրավարձով տների գներն այս շրջանում բարձրանում են:
«Վարձակալությունը վերջին ժամանակաշրջանում ակտիվացել է, հատկապես շատ են օրավարձով տներ ցանկացողները: Հիմնականում Փոքր Կենտրոնում զբոսաշրջիկները բնակարաններ են ցանկանում, սակայն շատ են նաեւ առանձնատներ, մասնավորապես ամառանոցներ օրավարձով ցանկացողները»,- նշեց Մարինա Չատինյանը:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Մայիսի 25-28-ը մի շարք փողոցներում նախատեսված են երթևեկության սահմանափակումներ
Այս տարի ունենք ավելի քան 22,000 շրջանավարտ. վաղը կհնչի վերջին զանգը
Ռուսական գազի գինը Հայաստանի համար չի կարող թանկանալ
Երեւանում եւս ժամանակ առ ժամանակ սպասվում է անձրեւ եւ ամպրոպ
Պատերազմում շրջադարձային պահ է, հայտարարել է Ուկրաինայի ԱԳ նախարարը
Մեկնարկել է Ռազմական սպորտի օրվան նվիրված փոխանցումավազքը
ՃՏՊ Երեւանի կենտրոնում` մահվան դեպքով
«Ատոմային նոր էներգաբլոկի կառուցում» ՓԲԸ-ի կանոնադրական կապիտալը կհամալրվի 200 մլն դրամով