Հայաստանի խոշորագույն հարկատուները. ով եւ որքան է վճարում
Վերջին տարիներին Հայաստանի 1000 խոշորագույն հարկատուների վարկանիշի վստահ առաջատարն է «Գազպրոմ Արմենիա» ՓԲԸ-ն։ Բացառություն չէր նաեւ ընթացիկ տարվա 1-ին կիսամյակը։ Ճիշտ է, այս ժամանակահատվածում մոնոպոլիստը պետբյուջե է վճարել 92 մլն դրամով կամ 0․4 տոկոսվ քիչ հարկ, քան մեկ տարի առաջ։ Սակայն վարկանիշում ամենամոտ մրցակից՝ «Գրանդ Տոբակո» ԲԲԸ-ից հեռավորությունն այնքան մեծ է, որ նման չնչին անկումը ոչ մի կերպ չի ազդում առաջատարի դիրքի վրա։ Ի գիտություն՝ «գազային» մոնոպոլիստը գրեթե 1․7 անգամ շատ հարկ է վճարել, քան ծխախոտային գործարանը։
Ընդհանուր առմամբ Հայաստանի 1000 խոշորագույն հարկատուներն առաջին կիսամյակում պետբյուջե են վճարել 378․5 մլրդ դրամ հարկ։ Դա 31․8 մլրդ դրամով՝ կամ 9․32 տոկոսով գերազանցել է անցած տարվա նույն ժամանակահատվածի ցուցանիշը։ Ի դեպ, նշված աճից ավելի քան 19 մլրդ դրամը կամ 60 տոկոսը ապահովել են երկրի առաջին 100 խոշորագույն հարկատուները։ Աճի գերազանցող տեմպերի արդյունքում երկրի պետբյուջեի հարկային եկամուտներում «խոշորագույնների» մասնաբաժինը ավելացել է 1․1 տոկոսային կետով, հասնելով 68․7 տոկոսի։
Ուշագրավ է, որ վարկանիշի առաջին տասնյակում «ծխախոտային» ընկերությունների քանակը մեկից երեք է դարձել։ Դանցից խոշորագույնը՝ «Գրանդ Տոբակո» ԲԲԸ-ն վարկանիշում պահպանել է երկորրդ տեղը ։ Ավելացել է մեկ այլ հայրենական արտադրող՝ «Ինթերնեշընըլ Մասիս Տաբակ» ԲԲԸ-ն, նաեւ ծխախոտային արտադրանք նեմուծող «Ֆիլիպ Մորիս Արմենիա» ԲԲԸ-ն։
Ընդ որում «Ինթերնեշընըլ Մասիս Տաբակ» ԲԲԸ-ն հաշվետու կիսամյակում վճարել է 100 մլն դրամով քիչ հարկ, քան մեկ տարի առաջ։ Պարզապես «ոսկյա» տասնյակից դուրս են մնացել այնպիսի ընկերություններ, ինչպիսիք են «Արմենիա տելեֆոն կոմպանի» ՓԲԸ-ն, «Ֆլեշ» ընկերությունն ու Հայկական ԱԷԿ-ը, ինչի հետեւանքով ծխախոտ արտադրող հայրենական ընկերությունը ավտոմատ կերպով 11-րդ տեղից 9-րդ է բարձրացել։
Նկատենք, որ հաշվետու կիսամյակում երկրում արտադրված ծխախոտի ավելի քան 90 տոկոսն արտահանվել է։ Միաժամանակ ավելի քան մեկուկես անգամ կրճատվել է ներքին շուկա հայրենական ծխախոտի մատակարարումների ծավալը։ Մեկ քառորդով նվազել է նաեւ ծխախոտի ներմուծումը։
Մատակարարումներում այս տեղաշարժների հետեւանքով ներքին շուկայի համար ծխախոտների ռեսուրսների ծավալը մեկ տարում կրճատվել է 30 տոկոսով։ Մեկ տարում ծխախոտը թանկացել է գրեթե 13 տոկոսով (ակցիզահարկի դրույքի աճի պատճառով) ու մեկ տուփի միջին մանրածախ գինը կազմել է 392 դրամ։ Միանգամայն հնարավոր է, որ գների այդքան կտրուկ աճն ազդել է այս «վնասակար» արտադրանքի նկատմամբ սպառողների պահանջարկի վրա։
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Մայիսի 25-28-ը մի շարք փողոցներում նախատեսված են երթևեկության սահմանափակումներ
Այս տարի ունենք ավելի քան 22,000 շրջանավարտ. վաղը կհնչի վերջին զանգը
Ռուսական գազի գինը Հայաստանի համար չի կարող թանկանալ
Երեւանում եւս ժամանակ առ ժամանակ սպասվում է անձրեւ եւ ամպրոպ
«Ատոմային նոր էներգաբլոկի կառուցում» ՓԲԸ-ի կանոնադրական կապիտալը կհամալրվի 200 մլն դրամով
Մեկնարկել է Ռազմական սպորտի օրվան նվիրված փոխանցումավազքը
Պատերազմում շրջադարձային պահ է, հայտարարել է Ուկրաինայի ԱԳ նախարարը
ՃՏՊ Երեւանի կենտրոնում` մահվան դեպքով