Արմեն Ջիգարխանյանի 36-ամյա կինը կես միլիոն դոլարով բնակարան է գնել Ռուբլյովկայի վրա

Դերասան Արմեն Ջիգարխանյանի 36-ամյա կինը՝ Վիտալինա Ցիմբալյուկ-Ռոմանովսկայան, կես միլիոն դոլարով բնակարան է գնել Ռուբլյովկայի վրա: Վիտալինան նոր բնակարանի մասին պատմել է Starhit-ի հետ հարցազրույցում:

Օգոստոսին 81-ամյա դերասանը եւ նրա կինը կտեղափոխվեն ընդարձակ հարկաբաժին: Նրանք միասին են 15 տարի, սակայն ամուսնացել են միայն անցյալ տարի: Նախկինում նրանք բնակվում էին Կրասնոգորսկու վրա գտնվող մեկսենյականոցում, սակայն հարսանիքի նախօրեին Վիտալինան որոշել է ընտանիքի ունեցվածքում լուրջ ավանդ կատարել եւ կես միլիոն դոլարով 134 ք.մ. մակերեսով երեքսենյականոց բնակարան է ձեռք բերել Ռուբլյովսկու խճուղում:

«Մենք 3 սենյակ կունենանք՝ աշխատասենյակ, հյուրասենյակ եւ ննջասենյակ: Ամուսինս մի քանի անգամ այցելել է, նա հավանել է: Արմեն Բորիսովիչը մի քանի ցանկություն էր հայտնել, որոնք համընկնում էին իմ ցանկություններին: Հիմնական շեշտադրումը կատարել ենք դասականի վրա՝ ամեն ինչ պարզ է, խիստ եւ պերճագեղ: Պաստառը բաց գույնի է, կահույքը՝ միայն բնական նյութից: Բնակարանում նաեւ 2 մեծ պատշգամբ կա՝ մեկը երեսապատել ենք կեչու կեղեւով, մյուսը՝ բամբուկի: Բնակարանն ընտրել է Արմեն Բորիսովիչը, իսկ մնացած ամեն ինչը ես եմ արել: Կարելի է ասել, սա իմ հարսանյաց նվերն էր: Երկուսս էլ այնտեղ ենք հաշվառված»,- դերասանի կնոջ խոսքն է մեջբերել Starhit-ը:

NEWS.am STYLE