Կոտայքում տղամարդը մուտք է գործել ծանոթ կնոջ բնակարան, սպառնացել զենքով և սեռական բռնության ենթարկել նրան
![](/timthumb.php?src=/disc/15-05-24/78254a90db72143ff60403c0f6c9eecd.jpg&w=708)
Shamshyan.com-ի հաղորդմամբ՝ օրերս արտառոց դեպք է տեղի ունեցել Կոտայքի մարզում։
Աղբյուրի փոխանցմամբ՝ մայիսի 13-ին օրը ՀՀ Քննչական կոմիտեի Կոտայքի մարզային քննչական վարչության Աբովյանի քննչական բաժնից ՀՀ Ներքին գործերի նախարարության ոստիկանության Կոտայքի բաժին հայտնել են, որ ՀՀ քր. օր.-ի 194-րդ հոդվածի 2-րդ մասի 6-րդ կետով, 195-րդ հոդվածի 1-ին մասով, 335-րդ հոդված 1-ին մասով և 456-րդ հոդվածի 1-ին մասով նախաձեռնված քրեական վարույթի նախաքննության ընթացքում, որպես տուժող հարցաքննված Ա․ Գ․-ն հայտնել է, որ մայիսի 5-ին ժամը 18։00-ի սահմաններում իր ծանոթ Կ․ Հ․-ն, գտնվելով ոչ սթափ վիճակում և օգտվելով իր բնակարանի դռան բաց լինելու հանգամանքից, իր կամքին հակառակ մուտք է գործել իր բնակարան։
Ըստ տուժողի ցուցմունքի՝ հաջորդ օրը՝ մայիսի 6-ին, ժամը 10։00-ի սահմաններում, Կ․Հ-ն կրկին այցելել է իր տուն՝ իր ուղղությամբ պահելով դանակ և նռնականման իր, ապա իրեն պայթեցնելու սպառնալիքով ստիպել է մերկանալ և պառկել հյուրասենյակի բազմոցին, ինչից հետո իր կամքին հակառակ սեռական հարաբերություն է ունեցել իր հետ:
Դեպքի առթիվ մայիսի 7-ին ՀՀ Քննչական կոմիտեի Կոտայքի մարզային քննչական վարչության Աբովյանի քննչական բաժնում ՀՀ քր. օր.-ի 198-րդ հոդվ. 2-րդ մասի 9-րդ կետով և 207-րդ հոդվ. 1-ին մասով նախաձեռնվել է քրեական վարույթ։