32-ամյա ամերիկացին մահացել է՝ ջրաշխարհում խողովակի մեջ մնալով
Արիզոնայի ջրաշխարհներից մեկում 32-ամյա տղամարդը մահացել է խողովակի մեջ ծուղակն ընկնելուց հետո, հայտնում է Americaru-ն:
Ըստ ոստիկանության ներկայացուցչի՝ խողովակը, որի ներսում տղամարդը մնացել է, գտնվում է մեծ բաց տարածքում, ուստի այն գործել է, ըստ էության, մեգաֆոնի նման եւ դժվարացրել է նրա գտնվելու վայրի որոշումը: 32-ամյա երիտասարդը մահացել է երկուշաբթի վաղ առավոտյան այն բանից հետո, երբ ընկել է ջրի սահարանի համար հենարան հանդիսացող խողովակի ծուղակը։
Շոտլանդիայի Eldorado ջրային ֆիթնես-կենտրոնի հարեւանությամբ գտնվող տարածքում պարեկություն անող ոստիկանը լսել է օգնության թույլ կանչերը: Մոտ 15 րոպե անց հնարավոր է եղել պարզել, որ անձը ջրաշխարհի տարածքից է օգնություն կանչում: Ոստիկաններին մոտ մեկ ժամ է պահանջվել, որպեսզի պարզեն, թե որտեղ է գտնվում տղամարդը, ասել է ոստիկանության ներկայացուցիչ Քեւին Ուոթսը:
Պարզվել է, որ տղամարդը գիշերը մուտք է գործել տարածք, բարձրացել է բարձր ցանկապատի վրայով եւ այնուհետեւ մտել է ջրի սահարանի համար հենարան հանդիսացող գլանաձեւ պողպատե խողովակի մեջ, որտեղից չի կարողացել դուրս գալ: Նրան փորձել են հանել մոտ 1,5 ժամ, բայց նա դադարել է արձագանքել: Գիշերվա երկուսն անց կես փրկարարները հասել են նրան, բայց ամերիկացին արդեն մահացած է եղել: Թե ինչու է տղամարդը գիշերը մտել ջրաշխարհի տարածք, դեռ պարզ չէ:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ալյասկայում Ուկրաինայի վերաբերյալ համաձայնություն չի եղել. Ռուբիո
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Դիդիե Դեշամը հրատապ լքել է Ֆրանսիայի հավաքականի ճամբարը
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
ՀՀ վարչապետ Նիկոլ Փաշինյանի ճեպազրույցը ուղիղ
Viking Row` Նորվեգիայի մանկապարտեզներից մեկում