ԱՄԷ-ն եւ Իսրայելը պայմանավորվել են աշխատել երկկողմ հարաբերությունների հաստատման ուղղությամբ․ Աբու Դաբիի թագաժառանգ
Աբու Դաբիի թագաժառանգ արքայազն Մուհամմադ բին Զաիդը հաստատել է, որ ԱՄԷ-ն եւ Իսրայելը պայմանավորվել են աշխատել երկկողմ հարաբերությունների հաստատման ուղղությամբ՝ նշելով, որ Իսրայելը նաեւ համաձայնել է դադարեցնել պաղեստինյան տարածքների հետագա անեքսիան:
«Նախագահ Դոնալդ Թրամփի եւ վարչապետ Բենիամին Նեթանյահուի հետ հեռախոսազրույցի ընթացքում պայմանավորվածություն է ձեռք բերվել վերջ տալ Իսրայելի կողմից պաղեստինյան տարածքների հետագա անեքսիային: ԱՄԷ-ն եւ Իսրայելը նաեւ պայմանավորվել են համագործակցության եւ երկկողմ հարաբերությունների հաստատման ճանապարհային քարտեզ ստեղծելու մասին»,- գրել է նա Twitter-ում:
Վաշինգտոնում Իսրայելի, ԱՄԷ-ի եւ ԱՄՆ-ի համատեղ հայտարարությունը այս համաձայնագիրը ողջունել է որպես «պատմական դիվանագիտական առաջընթաց», որը կնպաստի Մերձավոր Արեւելքում խաղաղության հաստատմանը:
Դրանում ասվում է, որ երեք երկրները «համաձայնել են Իսրայելի եւ Արաբական Միացյալ Էմիրությունների միջեւ հարաբերությունների ամբողջական կարգավորմանը»:
Հայտարարության մեջ ասվում է, որ Իսրայելից եւ Արաբական Միացյալ Էմիրություններից պատվիրակությունները առաջիկա շաբաթների ընթացքում կհանդիպեն՝ երկկողմ համաձայնագրեր ստորագրելու համար:
Վաշինգտոնում Սպիտակ տան բարձրաստիճան պաշտոնյաները հայտարարել են, որ, ըստ համաձայնագրի, Իսրայելը համաձայնել է դադարեցնել Արեւմտյան ափի մասերի անեքսիան:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Viking Row` Նորվեգիայի մանկապարտեզներից մեկում
ՀՀ վարչապետ Նիկոլ Փաշինյանի ճեպազրույցը ուղիղ
Ցուկերբերգը ցանկանում է սեփական բուքմեյքերական հարթակ ստեղծել․ NYT