Պուտինի դուստրը պատվաստվել է կորոնավիրուսի դեմ
Ռուսաստանի Դաշնության նախագահ Վլադիմիր Պուտինը հայտնել է, որ իր դուստրերից մեկը կորոնավիրուսի դեմ պատվաստվել է․ այս հայտարարությունը նա արել է կառավարության անդամների հետ խորհրդակցության ժամանակ, որի ընթացքում տեղեկացրել է Ռուսաստանում կորոնավիրուսի դեմ աշխարհում առաջին պատվաստանյութի գրանցման մասին, գրում է «ՌԻԱ Նովոստի» գործակալությունը։
«Դուստրերիցս մեկը պատվաստվել է։ Այս իմաստով նա փորձարկման է մասնակցել։ Առաջին ներարկումից հետո 38 ջերմություն է ունեցել, իսկ երկրորդ օրը՝ 37-ից մի փոքր ավելի ու վերջ»,- պատմել է Պուտինը և հավելել, որ երկրորդ ներարկումից հետո ջերմությունը կրկին մի փոքր բարձրացել է, իսկ հետո ամեն բան կարգավորվել է։
Ինչպես ավելի վաղ հայտնել էր Tert.am-ը, Պուտինը հայտարարել է, որ Ռուսաստանում գրանցված կորոնավիրուսի դեմ պատվաստանյութի զանգվածային արտադրությունը պետք է սկսել մոտ ժամանակներս, միևնույն ժամանակ պատվաստումները լինելու են կամավոր սկզբունքով:
«Որքանով ինձ է հայտնի` այսօր առավոտյան աշխարհում առաջին պատվաստանյութն է գրանցվել նոր կորոնավիրուսային վարակի դեմ»,-ասել է ՌԴ նախագահը:
Պուտինը խնդրել է առողջապահության նախարար Միխայիլ Մուրաշկոյին մանրամասներ հայտնել դրա վերաբերյալ:
«Ես գիտեմ, որ այն բավականին արդյունավետ է աշխատում, կայուն իմունիտետ է ձևավորում և, կրկնում եմ, անցել է բոլոր ստուգումները»,-հավելել է Պուտինը:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
94 տարեկանում մահացել է սպարապետ Վազգեն Սարգսյանի հայրը
Չորս հայ գերրիներ են վերադարձել Հայաստան
Ով ինչպես է սիրում Հայաստանը
ՀՅԴ-ն որոշում ունի․ որ ուժի հետ դաշինք կկազմի
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
«Գոլդեն Ֆլորենս»-ի արտադրական գործունեությունը կասեցվել է
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան
Անչափահասը սեքսուալ բնույթի բռնի գործողություններ է կատարել մեկ այլ անչափահասի նկատմամբ