Բենզինը նորից թանկանում է
Հայաստանում բենզինն ու դիզվառելիքը նորից սկսել են թանկանալ: Մարտ-ապրիլ ամիսներին բենզինի գները որոշակի անկում գրանցեցին` 1 լիտրի հաշվով հասնելով ընդհուպ 270-280 դրամի: Դիզելն էլ 300-ի սահմաններում էր: Եվ դա արդեն սկսեցին ներկայացնել Նիկոլ Փաշինյանի կառավարության հերթական շլացուցիչ ձեռքբերումը, թե նա եկավ, ու բենզինը էժանացավ: Թեպետ Փաշինյանն արդեն երկու տարի է` վարչապետ է, ու նրա` իշխանության գալուց հետո բենզինը մի բան էլ թանկացել էր` էժանանալու փոխարեն: Իսկ վերջին ամիսների գնանկումը ընդամենը աշխարհում նավթի գների իջեցմամբ էր պայմանավորված:
Հիմա նորից սկսել է թանկանալ բենզինը: Այսօր լցակայաններում ռեգուլյար տեսակի բենզինն արդեն 310-320 դրամով է վաճառվում, պրեմիումը` 320-330:
Եվ սա ոչ ոք չի կապում Նիկոլ Փաշինյանի կառավարության գրանցած հեղափոխական հաջողությունների հետ:
Բայց սա միակ անակնկալը չէ վարորդներին: Հուլիսի կեսերից գազալցակայաններում թանկացել է նաև գազը: Որոշ տեղերում ուղիղ թանկացում է տեղի ունեցել` 10-20 դրամով, իսկ որոշ լցակայաններում էլ սեփականատերերը մեքենայությունների են դիմել` գինը պահել են նույնը, սակայն քաշի մեջ են խաբում: Նույն արժեքի չափ լիցքավորած գազով արդեն ավելի քիչ տարածություն ես անցնում: Այ սա, իսկապես, կարելի է գրանցել Փաշինյանի կառավարության «հաջողությունների» շարքում, որ չկարողացան ռուսների հետ այնպես լեզու գտնել, որ գազը չթանկացնեն:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
94 տարեկանում մահացել է սպարապետ Վազգեն Սարգսյանի հայրը
Չորս հայ գերրիներ են վերադարձել Հայաստան
Ով ինչպես է սիրում Հայաստանը
ՀՅԴ-ն որոշում ունի․ որ ուժի հետ դաշինք կկազմի
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է