ՀՊՏՀ ռեկտորի մրցույթը վաղը չի կարող անցկացվել. ԿԳՄՍՆ-ն կրկին ապատեղեկատվություն է տարածում. Ռուբեն Հայրապետյան

ՀՊՏՀ ռեկտորի մրցույթը վաղը չի կարող անցկացվել. ԿԳՄՍՆ-ն կրկին ապատեղեկատվություն է տարածում: Այս մասին այսօչ՝ հուլիսի 16-ին, իր ֆեյսբույքան էջում գրել է ՀՊՏՀ նախկին ռեկտոր Ռուբեն Հայրապետյանը:

Գրառման մեջ նա մասնավորապես ասում է.

«ՀՐԱՏԱՊ

ՀՊՏՀ ռեկտորի մրցույթը վաղը չի կարող անցկացվել. ԿԳՄՍՆ-ն կրկին ապատեղեկատվություն է տարածում

Մրցույթի արգելանքն առնվազն 7 օր ուժի մեջ է լինելու, որը գործում է մինչև ՎԵՐՋՆԱԿԱՆ ԴԱՏԱԿԱՆ ԱԿՏԻ ԿԱՅԱՑՈՒՄԸ:

Օրենքի կոպտագույն խախտումներով ընդամենը մի քանի ժամ առաջ կիրառված արգելանքի վերացման մասին աննախադեպ որոշումը ՎԵՐՋՆԱԿԱՆ ԴԱՏԱԿԱՆ ԱԿՏ ՉԷ, որովհետև, բնականաբար, այն բողոքարկվելու է ՀՀ վերաքննիչ դատարան, որի համար օրենքով նախատեսվում է 7 օր:

Անկախ վերոնշյալից՝ ունենք նաև հետևյալ փաստը. 2020թ.-ի հուլիսի 16-ի դրությամբ Դատական ակտերի հարկադիր կատարումն ապահովող ծառայության կիրառած արգելանքն ուժի մեջ է և դեռ չի հանվել, սակայն ԿԳՄՍՆ-ն նույն օրը պաշտոնապես հայտարարում է, թե մրցույթը տեղի է ունենալու՝ ապօրինի պնդում կատարելով և ՀՊՏՀ խորհրդի վրա ճնշում գործադրելու փորձ կատարելով:

Եվ որևէ դատավոր՝ անփութությամբ կամ դիտավորությամբ, չի կարող օրենքին հակառակ որոշում կայացնել՝ արգելելով դիմել վերաքննիչ դատարան, որովհետև ՀՀ Քաղաքացիական դատավարության օրենսգիրքը հստակ տալիս է այդ իրավունքը:

ԴԱՏԱԿԱՆ ԱԿՏԵՐԻ ԲՈՂՈՔԱՐԿՈՒՄԸ ՎԵՐԱՔՆՆՈՒԹՅԱՆ ԿԱՐԳՈՎ

Հոդված 361. Բողոքարկման ենթակա որոշումները

1. Վերաքննության կարգով բողոքարկման են ենթակա առաջին ատյանի դատարանի հետևյալ որոշումները`

3) հայցի ապահովման միջոց կիրառելու, (..), հայցի ապահովումը վերացնելու մասին որոշումները.

Քանի դեռ վերջնականապես ուշ չէ, կոչ եմ անում սթափվել, վերանայել սեփական գործելաոճը և այս լարված իրավիճակից օգտվելով նոր ապօրինություններ չկատարել, որովհետև դրանց ԲՈԼՈՐ հեղինակները ենթարկվելու են պատասխանատվության ՀՀ օրենսդրությամբ սահմանված կարգով»: