Հայաստանը տարածաշրջանում առաջատար է ոչ միայն 1 մլն շնչի հաշվով կորոնավիրուսով վարակումների, այլև մահացության ցուցանիշով՝ շրջանցելով Իրանին

Հայաստանը տարածաշրջանում առաջատարն է ոչ միայն 1 մլն շնչի հաշվով կորոնավիրուսով վարակման ցուցանիշով, այլև՝ հիվանդությունից մահացության՝ շրջանցելով Իրանին:

Ինչպես վկայում են worldometers.info կայքի՝ իրական ժամանակում թարմացվող տվյալները, հունիսի 21-ի դրությամբ 1 մլն շնչի հաշվով կորոնավիրուսով վարակման ցուցանիշը Հայաստանի համար կազմել է 6840, մահացության ցուցանիշը՝ 118:

Վերջին տվյալների համաձայն՝ տարածաշրջանում 1 մլն շնչի հաշվով կորոնավիրուսով վարակման ցուցանիշներն ունեն հետևյալ տեսքը.

1. Հայաստան - 6840

2. Ռուսաստան – 4006

3. Իրան - 2241

4. Թուրքիա – 2226

5. Ադրբեջան – 1256

6. Վրաստան – 227

Տարածաշրջանում 1 մլն շնչի հաշվով կորոնավիրուսից մահացության ցուցանիշներն այսպիսին են.

1. Հայաստան - 118

2. Իրան - 115

3. Թուրքիա – 59

4. Ռուսաստան – 56

5. Ադրբեջան – 15

6. Վրաստան – 4

Հիշեցնենք, որ Հայաստանում հունիսի 21-ին հաստատվել է կորոնավիրուսով վարակվելու 560, մահվան՝ 19 նոր դեպք․ վարակվածների ընդհանուր թիվը 20 268 է, մահվան դեպքերինը՝ 464:

Մեկ օրում առողջացածների թիվը 148 է, ընդհանուր առողջացածներինը՝ 9002, փաստացի բուժվողներինը՝ 10 802 (մեկ օրում ավելացել է 412-ով):

Այս թեմայով Հայաստանի բնակչության 3 տոկոսը կորոնավիրուսի դեմ կպատվաստվի AstraZeneca-ի պատվաստանյութով Հայաստանում գրանցվել է կորոնավիրուսի 392 նոր դեպք Կորոնավիրուսով վարակման 374 նոր դեպք մեկ օրում Չգիտենք՝ մեր հարազատին ենք հուղարկավորել, թե ոչ․ ինչից են բողոքում COVID-19-ից մահացածների հարազատները (տեսանյութ) «Ես հասկացա, որ ոտքերիս տակ դրված տոպրակում իմ եղբայրն է, որին պետք է ճանաչեմ». Անահիտ Հարությունյան (տեսանյութ)