Դատախազի միջնորդությունում շարադրված են տվյալներ, որոնք ավելի ուշ են ձեռք բերվել
Գագիկ Ծառուկյանին անձեռնմխելիությունից զրկելու գլխավոր դատախազի միջնորդությունում շարադրված են տվյալներ, որոնք ավելի ուշ են ձեռք բերվել։ Այս մասին այսօր՝ հունիսի 18–ին, ԲՀԿ առաջնորդ Գագիկ Ծառուկյանի կալանքի գործով դատական նիստից հետո լրագրողներին ասաց Ծառուկյանի պաշտպան Երեմ Սարգսյանը։
«Փաստական տվյալների նշույլ չկա ոչ գործում, ոչ էլ Ազգային ժողով ներկայացրած միջնորդություններում։ Եվ մի շատ կարեւոր բան ասեմ, միջնորդությունները, որ ներկայացվեցին ԱԺ, համապատասխան պաշտոնատար անձանց, որոնց անուններն առայժմ չեմ տալիս, մուտքագրվել են հունիսի 15-ին, ժամը 18-ն անց 18-ին։ Այսինքն գրում են, որ «քիչ առաջ ստացանք միջնորդությունները» եւ այլն։ Դրանցում հղում է արված մի ապացույցի, որը ձեռք է բերվել դրանից հետո՝ ժամը 19-ին։ Այսինքն 18-ն անց 18 ասում են՝ քիչ առաջ միջնորդություններ ստացանք, որոնցում մեկ ժամ հետոյի տվյալներ են ներգրավված։ Դրա վերաբերյալ մենք խորը վերլուծություններ ունենք։ Ակնհայտորեն եղել են պայմանավորվածություններ, այս պրոցեսները մանրամասն հաշվարկված են եղել, որպեսզի հունիսի 15-ին մուտք անեն, հունիսի 16-ին էլ ներկայացնեն ԱԺ լիագումար նիստում։ Մենք Եվրադատարանի մի շարք գործեր վկայակոչեցինք՝ Նավալնիի, Տիմոշենկոյի, եւ այլն, որտեղ հստակ այս իրավիճակն էր, որ ընդդիմախոսներին լռեցնելու համար առերեւույթ օրինական տեսք տված գործողություններ են տեղի ունենում, բայց իրականում կա քողարկված օրակարգ՝ մարդկանց մեկուսացնել քննադատությունների ձայնը լռեցնելու համար», ասել է Երեմ Սարգսյանը։
Ըստ փաստաբանի՝ բոլորն էլ գիտեն, որ ցանկացած ընտրությունից առաջ դրան մասնակցող կուսակցությունը պետք է ունենա հիմնադրամ, որի միջոցներով կամակերպում է իր ընտրարշավը․
«Իսկ հիմա ասել, թե ինչ-որ իքս վայրում, չգիտեմ Վարդենիսում ինչ-որ մեկն ընտրակաշառք է տվել կամ ստացել․․․ Այդ հարցում պետք է շատ զգույշ լինել, եթե հանցանք չկա եւ ապացույց չկա», ասել է Երեմ Սարգսյանը։
Հիշեցնենք, որ հունիսի 16-ին, Ազգային ժողովը հավանություն է տվել ՀՀ գլխավոր դատախազ Արթուր Դավթյանի ներկայացրած երկու միջնորդություներին՝ Գագիկ Ծառուկյանին պատգամավորական անձեռնմխելիությունից զրկելու եւ ազատազրկելու վերաբերյալ։
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
«Գոլդեն Ֆլորենս»-ի արտադրական գործունեությունը կասեցվել է
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...