Հայաստանին եւ Ադրբեջանին հարկավոր է բարի կամք դրսեւորել եւ վերադարձնել ձերբակալվածներին
Հայաստանի եւ Ադրբեջանի իշխանությունները պետք է բարի կամք դրսեւորեն եւ կազմակերպեն ձերբակալված քաղաքացիների փոխադարձ վերադարձը: Այս մասին ասաց ՀՀ առաջին օմբուդսմեն, իրավապաշտպան Լարիսա Ալավերդյանը՝ մեկնաբանելով ՀՀ իշխանությունների կողմից 26-ամյա Ադրբեջանի քաղաքացուն սահմանի ապօրինի խախտման կասկածանքով ձերբակալումը:
«Ես կառաջարկեի կողմերին հաշվի առնել այն փաստը, որ այժմ շատ լավ ժամանակ է բարի կամքի դրսեւորման եւ սահմանի մյուս կողմում հայտնված մարդկանց հայրենիք փոխադարձ վերադարձի կազմակերպման համար: Կարծում եմ, որ բարի կամքի այդպիսի դրսեւորումն օգտակար կլիներ ինչպես Հայաստանին, այնպես էլ Ադրբեջանին»,- ասաց ՀՀ առաջին օմբուդսմենը՝ հավելելով, որ Ադրբեջանի բոլոր ջանքերը դեռ ուղղված են առանձնապես ծանր հանցագործությունների՝ ահաբեկչության եւ սպանությունների համար դատապարտված Ադրբեջանի երկու քաղաքացիներին վերադարձնելուն: Ի դեպ, նրանք ամենեւին էլ Հայաստանում չեն, այլ՝ Արցախի Հանրապետությունում, հավելեց Լարիսա Ալավերդյանը:
Լարիսա Ալավերդյանը շեշտեց կալանավորված անձանց վերադարձի համատեքստում «փոխանակում» բառն օգտագործելու անթույլատրելիությունը: «Փոխադարձ վերադարձն այն տերմինն է, որը պետք է օգտագործվի եւս մեկ այլ հանգամանքի հետ կապված. վերադարձը կարող է կազմակերպվել բացառապես ձերբակալվածների կարծիքը հաշվի առնելով: Ի տարբերություն «փոխանակման» բառի, որը սուբյեկտներին օբյեկտների է վերածում, այս դեպքում «վերադարձը» կողմերի բարի կամքի դրսեւորում է եւ այդ անձանց կարծիքը հաշվի առնել է ենթադրում: Նրանց կարելի է սահմանը խախտողներ կամ կալանքի տակ հայտնվածներ անվանել: Բայց պատանդ վերցնելու մասին ասել եւս չի կարելի»,- եզրափակեց Լարիսա Ալավերդյանը:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...