Ես մնում եմ իմ կարծիքին. գյուղատնտեսության ոլորտում խնդիրների լուծումը մտածողության փոփոխությունն է. Փաշինյան
Հիմնականում ոռոգման ջրի հետ կապված հարցեր էին մարդիկ բարձրացնում: Այս մասին այսօր ֆեյսբուքյան էջի ուղիղ եթերում ասաց ՀՀ վարչապետ Նիկոլ Փաշինյանը՝ ամփոփելով Արարատի մարզ կատարած իր այցը: Նա նշեց, որ թեև հարցեր կան, որոնցով կզբաղվեն, սակայն ավելացրեց.
« Ես մտածում եմ, որ եթե այդ հարցերը լուծվեն, կամ լուծված լինեին, միևնույն է, հարց չի լուծելու, քանի որ մի տարի բերքն ավելի շատ է լինելու, քան պետք է, դրա արդյունքում բերքի գինն ընկնելու է, մի տարի քիչ է լինելու: Ես էլի մնում եմ իմ կարծիքին, որ լուծումը մտածողության փոփոխությունն է»,-ասաց նա:
Ըստ վարչապետի՝ եղած ջրով կարելի է տասն անգամ շատ հող մշակել, տասն անգամ ավելի շատ բերք ստանալ:
«Հող մշակման կուլտուրան մեր երկրում պետք է փոխվի, քանի որ այս կուլտուրայով հնարավոր չէ այնպես անել, որ դա գյուղացուն հարստացնի: Ես անցնում եմ և ծառերին եմ նայում և դրանց մեծամասնության տեսքն ասում է, որ եկամուտ չի բերելու այդ ծառը: Ամեն տարի ժամանակակից ֆերմերը մտածում է, ոչ թե տեսնի, թե որքան բերք կլինի, այլ պլանավորում է: Ժամանակակից գյուղատնտեսական պայմաններում բերքը կախված չէ եղանակից, բերքը կախված չէ այլ գործոններից, այլ կախված է պլանավորումից»,-ասաց նա:
Նիկոլ Փաշինյանն ասաց, որ պետք է անցնել գյուղատնտեսական ժամանակակից տեխնոլոգիաների:
«Մենք գյուղատնտեսությունում ունենք ընդամենը 3 պրոբլեմ, առաջինը՝ գիտելիք, երկրորդը՝գիտելիք, երրորդը գիտելիք»,-ասաց նա և նշեց, որ այսօրվա իր շրջայցն էլ ավելի ամրապնդեց իր հետևությունը և ուրախությամբ արձանագրեց, որ շատ գյուղացիներ ընդունում են դա:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
«Գոլդեն Ֆլորենս»-ի արտադրական գործունեությունը կասեցվել է
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...