Պետերբուրգցի նկարիչը ինստալացիա է ստեղծել հնդկաձավարի եւ զուգարանի թղթից

Պետերբուրգցի փողոցային նկարիչ Loketski-ն Պարնասի թաղամասում շինարարական ցանկապատի վրա «Հանգի՛ստ» անվանումով ինստալացիա է ստեղծել: «Հանգի՛ստ» բառը կազմող տառերը պատրաստված են շիլայի թափանցիկ փաթեթներից, դրանց լրացնում են լուցկին եւ զուգարանի թուղթը, փոխանցում է RG-ն:

«Ես գնեցի թաղամասի վերջին հնդկաձավարը, բայց, կարծես, խուճապի չմատնվեցի,- հավելել է նա:- Օգտագործեցի իմ տան բոլոր պաշարները սթրիթ արտի համար, իսկ դա չորս կիլոգրամ հնդկաձավար էր»:

Նկարչի մտահղացման համաձայն` ցանկացած անցորդ խիստ անհրաժեշտության դեպքում կարող է օգտագործել այդ ապրանքները: Ընդ որում, ինստալացիայի հեղինակը կոչ է անում համեստություն չանել. «Իմաստ ունի դա անել, քանի դեռ անձրեւը չի թրջել»:

Հիշեցնենք, որ Սանկտ Պետերբուրգում կորոնավիրուսի տարածման հետ կապված կարանտինային միջոցառումները խստացվում են. զանգվածային միջոցառումները չեղարկվել են, իրականացվում է հասարակական տրանսպորտի շարժակազմերի խորքային մշակում եւ ախտահանում:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը