Իտալիայի առողջապահության փոխնախարարը վարակվել է կորոնավիրուսով

Իտալիայի առողջապահության փոխնախարար Պիերպաոլո Սիլերին շաբաթ օրը Facebook-ում հայտնել է, որ վարակվել է COVID-19 կորոնավիրուսով, հայտնում է ՌԻԱ Նովոստին։

«Մի քանի օր առաջ շփում եմ ունեցել վարակման մեջ կասկածվող անձի հետ։ Հենց զգացի ինձ մոտ հիվանդության ախտանիշները, ես մեկուսացա եւ սկսեցի ամբողջովին հեռակա աշխատել։ Թեսթը դրական արդյունք տվեց։ Ես անմիջապես սկսեցի գործել կանոնների համաձայն, որոնք մշակվել են առողջապահության նախարարության կողմից։ Կինս եւ փոքր երեխաս իրենց լավ են զգում, թեեւ ինձ հետ միասին նույն տանն են գտնվում, մենք առանձնացրել ենք ապրելու տարածքները։ Այժմ մենք կնոջս հետ կրկին զանգում ենք միմյանց, ինչպես մեր հարաբերությունների սկզբում»,- գրել է Սիլերին։

Փոխնախարարը նաեւ հայտնել է, որ բոլոր աշխատակիցները, ում հետ ինքը վերջին ժամանակներս շփվել է, իրենց լավ են զգում եւ նույնպես պահպանում են կանոնները։

«Գոյություն ունի միայն մեկ հնարավորություն՝ լինել պատասխանատու, քաջ եւ համերաշխ։ Միասին մենք ամեն ինչ կհաղթահարենք»,- եզրափակել է Սիլերին։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը