«Եթե հեղափոխություն չլիներ, հանքը շատ վաղուց շահագործվելիս կլիներ». Փաշինյանը հայտնեց իր դիրքորոշումը Ամուլսարի մասին
Եթե հեղափոխություն չլիներ, Ամուլսարի հանքը շատ վաղուց շահագործվելիս կլիներ: Այս մասին, այսօր՝ մարտի 12-ին, Ջերմուկում քարոզարշավի ժամանակ իր ելույթում նշեց ՀՀ վարչապետ Նիկոլ Փաշինյանը:
«Կոչ եմ անում բոլորին չկորցնել հարգալից վերաբերմունքը հեղափոխության եւ կառավարության նկատմամբ: Էդ մարդիկ, որոնք ուզում են կորցնել իրենց հարգալից վերաբերմունքը, թող հիշեն իրենց իրավիճակը հեղափոխությունից առաջ եւ հեղափոխությունից հետո: Ես ունեմ մի մեծ անհամաձայնություն Ամուլսարի հարցում շատ-շատերի հետ: Դա այն է, որ մեր մի շարք սիրելի հայրենակիցներ ասում են, որ հանքը չպետք է աշխատի, իսկ մի շարք հայրենակիցներ էլ ասում են՝ պետք է աշխատի: Ես երկուսի հետ էլ անհամաձայնություն ունեմ: Ես ասում եմ, որ մենք մինչեւ վերջ պետք է գնանք ճշմարտության հետեւից, ընդ որում, վերջին ամիսների պատմությունը ցույց է տալիս, որ դա հեշտ ճանապարհ չի»,-հայտարարեց Փաշինյանը:
Նա տեղեկացրեց, որ Ամուլսարի հետ կապված վերջին ամիսներին շատ մեծ աշխատանք է արվել. «Էլարդի հայտնի եզրակացությունից հետո եղավ մեծ բանավեճ, որը, ցավոք սրտի, վերջնական հարցերին չպատասխանեց: Որովհետեւ «Էլարդը» դրեց փաստարկներ, «Լիդիանը» բերեց իր հակափաստարկները: Ես այն քիչ մարդկանցից եմ, որ Ամուլսարի հարցում չունեմ ոչ մի շահագրգռություն բացի Հայաստանի շահի շահագրգռությունը:
Մենք խորանալով խնդրի մեջ հարց ենք ձեւակերպել՝ արդյոք Ամուլսարի՝ շրջակա միջավայրի վրա ազդեցության գնահատականը գնահատվել է իր ճշմարտացիության աստիճանի հանգամանքով: Նկատի ունեմ, որ «Լիդիանը» ներկայացրել է ՇՄԱԳ-ը եւ ներկայացրել փաստեր:
Մեր հարցը հետեւյալն է՝ նախկին բնապահպանության նախարարության ներկայացուցիչները, որ կարդացել են, արդյոք ստուգե՞լ են դրանց ճշմարտացիությունը: Սա հիմա քննության մի ուղղությունն է:
Երկրորդ հարցադրումը հետեւյալն է՝ արդյոք նախկինում, խորհրդային տարիներին այստեղ արված հետազոտությունների արդյունքները հաշվի են առնվել հանքի հետ կապված պրոցեսներում:
Երրորդ ուղղությունը հետեւյալն է՝ Քննչական կոմիտեն կազմել է «Էլարդ»-ի եւ «Լիդիան Արմենիա»-ի բանավեճի արդյունքում 154 հարցից բաղկացած հարցաշար, որը կուղարկվի նաեւ շահագրգիռ ՀԿ-ներին, նաեւ ԳԱԱ, որ այդ հարցաշարը ճշտվի, որի շուրջ տեղի կունենա ամփոփիչ հարցաքննությունը «Էլարդի» եւ «Լիդիանի» ներկայացուցիչների»,-ընդգծեց վարչապետը:
Նա շեշտեց՝ օդին որեւէ սպառնալիք չպետք է լինի: «Ջերմուկի օդը պետք է մնա մաքուր, այստեղ երկու կարծիք չկա: Ոչ ոք չի ասում՝ եկեք Ջերմուկի ջուրը, օդը աղտոտենք: Չի կարող այդպիսի բան լինել, ես նման բան թույլ չեմ տա: Խոսքն այն մասին է, թե հնարավո՞ր է այդ հանքը շահագործել այնպես, որ օդը, ջուրը՝ ոչ միայն Ջերմուկի, այլ նաեւ Դարբ գետի, Արփա գետի, չաղտոտվեն: Եթե հնարավոր է, ուրիշ իրավիճակ է, եթե հնարավոր չէ, ուրեմն այդտեղ քննարկման բան չկա: Եթե հնարավոր չէ, որ Ջերմուկի օդը, ջուրը պահպանվի, ուրեմն բացառված է, որ այդ հանքը շահագործվի: Եթե հնարավոր է, ընդ որում ապացուցելի, ոչ թե տեսական խոսքի վրա, ուրեմն կարող է շահագործվել»,-ասաց Փաշինյանը:
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Ես ուրախ եմ տեսնել հայ գերիների ազատ արձակումը
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Որդու վերադարձի մասին Նիկոլ Փաշինյանի գրառումից են տեղեկացել
Կապանի բնակիչը մեծ քանակությամբ թմրամիջոց էր պահում. քրեական և համայնքային ոստիկանների բացահայտումը
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
Իսրայել պետությունը անմիջապես կճանաչվի. Ռեզա Փահլավին կիսվել է Իրանի ապագայի տեսլականով