Թուրքիայի կողմից ԵՄ «դռները բացելուց» հետո սահմանը հատել է ավելի քան 100 000 փախստական (լուսանկարներ)
Թուրքիայի կողմից Եվրոպական Միության հետ սահմանը բացելուց հետո, այն հատել է ավելի քան 100 000 փախստական: Այս մասին մարտի մեկին հայտնել է Թուրքիայի ներքին գործերի նախարար Սուլեյման Սոյլուն: Պաշտոնյան տվյալները հրապարակել է Twitter սոցիալական կայքի իր պաշտոնական էջում:
«19:40-ի դրությամբ (Երևանի ժամանակով` 20:40) Էդիրնով մեր երկիրը լքող փախստականների թիվը 100 577 է»,- ասվում է հաղորդագրության մեջ:
Ավելի վաղ թուրքական ՆԳՆ հայտնել էր, որ Էդիրնի շրջանում սահմանը հատել է 76 358 մարդ և ուղևորվել Հունաստանի և Բուլղարիայի ուղղությամբ:
Ինչպես ավելի վաղ նշել էր Tert.am-ը, Թուրքիայի իշխանությունները սիրիացի փախստականների համար բացել են Եվրամիության անդամ երկրների հետ սահմանները, ինչի հետևանքով սահմաններին ճգնաժամային իրավիճակ է ստեղծվել:
Ինչպես նշում է dailymail.co.uk-ը, տասնյակ հազարավոր սիրիացի և այլազգի փախստականներ հավաքվել են Թուրքիայի ՝ Հունաստանի և Բուլղարիայի հետ սահմաններին: Նրանք քարեր են նետել իրավապահների ուղղությամբ, ինչպես նաև փորձել են կտրել փշալարերը:
Խոսքը մոտ 30 000 փախստականի մասին է, որոնք սահմանային անցակետերի մոտ են հավաքվել, երբ Թուրքիայի նախագահ Ռեջեփ Թայիփ Էրդողանը «բացել է դռներն» ու երկրում գտնվող չորս միլիոն փախստականներին Թուրքիան լքելու հնարավորություն տվել:
Հունաստանի ոստիկանությունը փակել է սահմանն ու արցունքաբեր գազ կիրառել սահմանը հատել փորձողների նկատմամբ: Նմանատիպ իրավիճակ է նաև Բուլղարիայի հետ սահմանին:
Աղբյուրը հիշեցնում է, որ Թուրքիայի իշխանությունները հայտարարել են, որ այլևս չեն սահմանափակի փախստականների տեղաշարժը՝ այդպիսով չեղարկելով ԵՄ-ի հետ կնքած բազմամիլիարդանոց համաձայնագիրը, որով երկիրը պետք է զսպեր փախստականների ներհոսքը դեպի Եվրոպա:
Թուրքիայի որոշումը կապված է ԵՄ-ի և ՆԱՏՕ-ի կողմից Սիրիայում Թուրքիայի շահերի առաջխաղացմանը չաջակցելու հետ:
Ինչո՞ւ ՌԴ-ն իր քաղաքացիներին Իրանից տարհանելու համար առաջին իսկ օրերից չօգտագործեց Հայաստանով անցնող...
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
ՌԴ ԱԴԾ-ն ձերբակալել է ադամանդներ հափշտակած և հայ պատգամավորի ընկերություն մատակարարող բանդային
Կառավարության մոտ քաշել են Արսեն Թորոսյանի օձիքից. ՔՊ պատգամավորը փախել է
Երևանում ՌԴ դեսպանատունը հայտարարություն է արել
Անհրաժեշտ է համազգային ապստամբություն. Իրանի տապալված շահի որդին դիմել է ժողովրդին
Փորձառու ուժայինները չէին ներքաշվի այս գործընթացում. ԱԱԾ նախկին տնօրեն
Հայաստանի և Ադրբեջանի ղեկավարների հանդիպումը տեղի չի ունենա, Ալիևը լքել է Թուրքիան
ԱՄՆ-ն Իրանին հարվածելու համար կիրառել է «բոլոր ռումբերի մայրը» համարվող ռումբը
Ռուսաստանի կոշտ զգուշացումը. ի՞նչ է նշանակում այս ամենը