Huawei-ը վերջնականապես հրաժարվել է Google-ից

Huawei-ը մտադիր չէ վերադառնալ Google-ի ծառայություններին: Ամերիկյան կորպորացիայի ծառայություններից վերջնական հրաժարման մասին Վիենայում մամուլի ասուլիսի ժամանակ հայտարարել է Huawei-ի տարածաշրջանային մենեջեր Ֆրեդ Վանֆեյը, հաղորդում է Lenta-ն՝ հղում կատարելով Der Standart-ին:

Վանֆեյի խոսքով՝ եթե անգեմ ԱՄՆ-ը չեղարկի սահմանափակումներն ընկերության համար, միեւնույն է այն չի պահպանի անկախ մոտեցումը սմարթֆոնների համար ծառայությունների ընտրության մեջ: Նա բացատրել է դա նրանով, որ նոր քաղաքական կոնֆլիկտների դեպքում Huawei-ը չի ցանկանում կրկին հայտնվել կախյալ վիճակում:

Ըստ Der Standart-ի՝ դա նշանակում է, որ Huawei-ը կարող է ամբողջովին հրաժարվել իր գաջեթներում Google-ի ծառայություններից: 2019 թվականի մայիսից կորպորացիան իրավունք չունի վաճառել Google Play, YouTube, Gmail եւ Google-ի այլ ծառայություններով նախապես համալրված սմարթֆոններ:

Դեկտեմբերին Huawei-ը հայտարարել է, որ մտադիր է ստեղծել արգելված ծառայությունների այլընտրանք: Մասնավորապես, կորպորացիան պայմանավորվել է Հնդկաստանից ծրագրավորողների հետ: Կորպորացիան մտադիր է առաջարկել յուրաքանչյուր տարածաշրջանից, ներառյալ՝ Եվրոպայից օգտատերերին 100-150 հավելված ունեցող համալիր:

2019 թվականի վերջում չինական կորպորացիան հայտարարել էր, որ Android-ին փոխարինելու եկած HarmonyOS օպերացիոն համակարգով առաջին սմարթֆոնը կթողարկվի 2020 թվականի օգոստոսին: Ավելի ուշ ընկերության ներկայացուցիչները հերքել են այդ հայտարարությունը՝ նշելով, որ առաջիկայում Huawei-ը չի պատրաստվում թողարկել սեփական օպերացիոն համակարգով սմարթֆոններ եւ պլանշետներ: