Մեղր. օգո՞ւտ, թե՞ վնաս
Օգտակա՞ր է արդյոք մեղրը։ Շատ մարդիկ, առանց մտածելու, կպատասխանեն՝ այո։ Բայց այդպե՞ս է արդյոք իրականում։
Սննդաբան, բժշկական գիտությունների դոկտոր Վիկտոր Կոնիշեւը (Ռուսաստան) հավաստիացնում է, որ մեղրի լուրջ ուսումնասիրություններ բժշկական տեսակետից չեն կատարվել։
«Այն (մեղրը) կարող է թեթեւացնել հազը, ունի թույլ ջերմ իջեցնող հատկություն։ Այս դեպքում հատկապես գնահատվում է լորենու մեղրը,- ասել է Վիկտոր Կոնիշեւը «Արգումենտի ի ֆակտի»-ի հարցազրույցում։- Սակայն Ռուսաստանի եվրոպական մասում չկան լորենու զանգվածային անտառներ, եւ «լորենու» մեղրը հաճախ բազմաբույս է ստացվում՝ հավաքված տարբեր բույսերից։ Այնպես որ մեղրին վերագրվող բուժական էֆեկտները առասպելաբանության ոլորտից են»։
Մասնագետը հիշեցրել է, որ մեղրի մեջ շատ են գլյուկոզաները եւ ֆրուկտոզաները, ինչի պատճառով մեղրը (ճիշտ այնպես, ինչպես սովորական շաքարը) առաջ է բերում շաքարի մակարդակի կտրուկ ավելացում արյան մեջ, ինչը բացասաբար է անդրադառնում ողջ օրգանիզմի վրա։ Հենց այդ պատճառով մեղրը հակացուցված է շաքարային դիաբետ ունեցողներին։
Իհարկե, ի տարբերություն շաքարի, մեղրի մեջ կան բազմաթիվ կենսաբանորեն ակտիվ նյութեր, որոնք օգտակար են, բայց դրանք շատ են նաեւ մյուս բնական մթերքներում, որոնք գլյուկոզայի նման քանակություն չեն պարունակում։
«Հակառակ լայնորեն տարածված կարծիքի, մեղրի մեջ քիչ են վիտամիններն ու հանքային նյութերը։ Օրինակ, կալցիումի օրական պահանջարկը ապահովում է մեղրի 200 թեյի գդալը, ֆոսֆորինը՝ 267 թեյի գդալը, իսկ վիտամիններինը՝ 3 կիլոգրամ մեղրը։ Սպիտակուցները եւ ամինաթթուները մեղրի մեջ նույնպես շատ քիչ են»,- ընդգծել է մասնագետը։
Արդյո՞ք սա նշանակում է, թե պետք է լիովին հրաժարվել մեղրից։ Ոչ, չարժե հրաժարվել նրանից, եթե դուք, իհարկե, շաքարային դիաբետ չունեք։ Սակայն մեղրին վերաբերվել որպես հրաշագործ մթերքի, ինչպես հավաստիացնում է մասնագետը, նույնպես չարժե։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները