Որքա՞ն կկազմեն զինծառայողների աշխատավարձերն ու նպաստները 10 տոկոսով բարձրանալուց հետո

Ինչպես հայտնի է, հունվարի 1-ից 10 տոկոսով բարձրանում են ուսուցիչների և զինծառայողների աշխատավարձերը: Այսօր կառավարությունում աշխատանքի և սոցիալական հարցերի նախարարն առանձին-առանձին ներկայացրել է, թե զինծառայողների համար ավելացումը որքան կկազմի: Եվ այսպես․

Հիմնական կենսաթոշակի չափը 16 հազար դրամի փոխարեն կկազմի 18 հազար դրամ,

Ծառայության առաջին 10 տարվա աշխատանքային ստաժը 800 դրամի փոխարեն կհաշվարկվի 950 դրամ,

Զինծառայության մեկ տարվա արժեքը 1500 դրամի փոխարեն՝ 1600 դրամ,

Պարտադիր ժամկետային զինծառայողի հաշմանդամության կենսաթոշակի չափը՝ առաջին խմբի դեմքում 36 հազար դրամի փոխարեն՝ 40 հազար դրամ,

Երկորրդ կարգի դեպքում՝ 26 հազար դրամի փոխարեն՝ 30 հազար դրամ,

Երրորդի դեպքում՝ 25 500 դրամի փոխարեն՝ 27000 դրամ,

Պարտադիր ժամկետային ծառայության շարքային կազմի մահացած կամ զոհված զինծառայողի կենսաթոշակի չափը 25 500 դրամի փոխարեն՝ 27000 դրամ,

Երկկողմանի ծնողազուրկ երեխայի դեպքում՝ 80 հազար դրամի փոխարեն՝ 90 000 դրամ,

Նվազագույն կենսաթոշակի չափը՝ 25500 դրամից կհասնի 27 000-ի,

Ծերության հաշմանդամության, կերակրողին կորցնելու դեպքում նպաստի չափերը 25 500 դրամի փոխարեն կկազմեն 27000 դրամ, երկկողմանի ծնողազուրկ երեխայի դեպքում՝ 80 հազարի փոխարեն 90 000 դրամ: