Դու գալուց առաջ չե՞ս մտածել, թե խի ես գալիս․ Սադոյանի նյարդերը տեղի տվեցին (տեսանյութ)
Հանրային խորհրդի այսօրվա նիստը անցավ չաթազանց լարված մթնոլորտում։ Խորհրդի նորեկ Դանիել Իոաննիսյանին ու նորանշանակ նախագահ Ստյոպա Սաֆարյանին խորհրդի հնաբանակները մեղմ ասած չսիրեցին։ Իոաննիսյանը նիստի մեկնարկից փորձեց նախաձեռնությունը իր ձեռքը վերցնել և մի աղմկահարույց հայտարարություն արեց, թե ՀԽ-ն 2008 թվականին ձևավորվել է նախագահի կոնկրետ մեկ թեկնածուի հաղթանակը ապահովելու համար։ Իոաննիսյանի այս հայտարարությունն ու հետագա պնդումները, թե պետք է հասկանալ ՀԽ-ի գործունեության իմաստը, նաև հեգնական տոնը ՀԽ անդամներից մեկի այն դիտարկմանը, թե պետք է հասկանալ ի՞նչ հարաբերություններ ունեն ՀԽ-ն ու Ստյոպա Սաֆարյանը, հունից հանեցին Արշակ Սադոյանին․
«Մենք լսեցինք ելույթներ, որ պետք է քննարկել Հանրային խորհրդի և Ստյոպա Սաֆարյանի հարաբերությունները։ Կներեք էլի, ազնվությամբ պիտի ասեմ, դա լուրջ քննարկելու բան չի»,- ասաց Դանիել Իոաննիսյանը։
Արշակ Սադոյանի պատասխանը չուշացավ, նա բոլորին լռեցրեց և ասաց․
«Դրա համար ենք հավաքվել, օրկարգն է դա։ Մի հատ լռեք։ Հարց․ ես ո՞ւմ հետ եմ աշխատելու, ես աշխատելու եմ իմ կողմից հարգվա՞ծ մարդու հետ, թե՞ հրաժարական եմ տալու, ոնց որ մի քանի հոգի տվեցին։ Այստեղ խոսքը գնում է հրաժարականների մակարդակի մասին, որին Դուք ծանոթ էլ չեք։ Ես ուզում եմ Ձեզ ու Ստյոպա Սաֆարյանին ասել հետևյալը, երբ որ ձեզնից որևիցե մեկը ասի, որ Հանրային խորհուդը ստեղծվել է և նրա նախագահը նշանակվել է քաղաքական շահարկումների և առևտրի հիման վրա, դուք ուղղակիորեն մեղադրում եք պարոն Փաշինյանին, որ Վազգեն Մանուկյանին նորից նշանակել է քաղաքական շահարկումների համար։ Ո՞նց կարելի է այդպիսի բաներ ասել»,-ասաց Սադոյանը։
Իոաննիսյանն էլ իր հերթին պնդեց, որ պետք է հասկանալ, թե ինչ սկզբունքով է աշխատելու ՀԽ-ն և ի՞նչ երաշխիքներ է տալու կառավարությանը․
«Պարոն Սադոյան, ինձ թվում էր, որ մենք այստեղ հավաքվել ենք, որպեսզի հասկանանք Հանրային խորհրդի ինստիտուցիոնալ զարգացումը, այդ թվում նաև այն, թե մենք ինչ երաշխիքներ ենք տալիս կառավարությանը Հանրային խորհրդի վերաբերյալ»։
Արշակ Սադոյանը այս անգամ ավելի զայրացավ․
«Դուք պետք է մինչև հիմա հասկանայիք։ Այստեղ եկել եք, որ մենք ձեզ սովորեցնե՞նք, այս նիստը հրավիրել ենք, որ պարզենք, թե Հանրային խորհուրդը ինչի համա՞ր է։ Ես ասում եմ հետևյալը․ առաջին կարևորագույն խնդիրն է նորմալ մարդկային հարաբերություններ ստեղծելը, ճանաչել թե ով ով է և ինչ է ուզում։ Մենք ուզում ենք ճանաչել Ստյոպա Սաֆարյանին, որը ընդամենը 2 շաբաթ առաջ ասում էր, թե Հանրային խորհուրդը ինչի՞ն է պետք։
«Հեռանկար ծրագիրը հիմա էլ կարող եք միացնել, նայել։ Պարոն Իոաննիսյան, ինձ մոտ կարող է տպավորություն է ստեղծվել, որ, օրինակ, օրենքի փոփոխման անհրաժեշտությամբ, այս բացակայությունների պատճառով ոնց որ հող է նախապատրաստվում, որ ՀԽ-ն ընդհանրապես չսկսի գործել, ոնց որ խնդիր է դրված անընդհատ վարկաբեկելու․Դու գալուց առաջ չե՞ս մտածել, թե խի ես գալիս»
Իրեն չզսպեց նաև ՀԽ անդամ Աիդա Թոփուզյանը՝ ամոթանքներ տալով Իոաննիսյանին․
«Մի քիչ համեստություն է պետք, առաջին անգամ գալ ու այդ տոնով խոսել ու բոլորին պարտադրել Ձեր կարծիքը, չի կարելի, պարոն Իոաննիսյան, չի կարելի։ Ոչ մի բան չգիտեք, ոչ մի բան չեք արել, եկել բոլորիս մեղադրո՞ւմ եք»,- ասաց Թոփուզյանը։
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
ՀՀ ԱԺ ութերորդ գումարման տասնմեկերորդ նստաշրջանի հերթական նիստ