Այս իշխանությունների կամքը՝ մաքուր ընտրություններ անելու, մինչև այն պահն է, երբ վտանգ չկա, որ իրենց թեկնածուն չի անցնելու
«Հրապարակ» թերթը գրում է.
«Մենք թևակոխում ենք միֆերի տապալման ժամանակաշրջան։ Հեղափոխությունից անմիջապես հետո «կոռուպցիան իսպառ վերացվել է» թեզը սկսեց երերալ, երբ իշխանական մի շարք պաշտոնյաներ, այդ թվում՝ երկու փոխնախարար, բռնվեցին կաշառք ստանալիս։ Ապա պարզ դարձավ, որ երիտասարդ իշխանությունն այնքան էլ գաղափարական ու աննյութապաշտ չէ՝ բարձր աշխատավարձերն ու պարգևավճարները գաղտնի վայելել չհաջողվեց։
Իսկ «ԿամԱԶ»-ների և այլ թանկ նվերների, քավոր-սանիկներին պաշտոնների նշանակելու մասին լուրերը ջնջեցին չկոռումպացվածության մասին լեգենդները։
Մենք՝ հեղափոխությանն աջակցածներս, մեզ շարունակեցինք մխիթարել նրանով, որ գոնե ընտրակեղծիքներն են իսպառ բնաջնջվել, և այլևս նոր ժամանակներում ականատես չենք լինի ընտրակեղծիքների, ընտրակաշառքի, սպառնալիքների ու հակառակորդներին ասպարեզից վերացնելու ճանապարհով իրականացվող ընտրությունների։
Նախօրեին այս միֆն էլ հօդս ցնդեց՝ Հայաստանի ֆուտբոլի ֆեդերացիայի նախագահի ընտրությունները մեզ վերադարձրին տխուր 90-ականներ ու 2000-ականներ, երբ թեկնածուներին ստիպում էին ընտրությունների նախօրյակին հրաժարական տալ, սպառնալիքով ու կաշառքով «գնում էին» նրանց։
Երբ քվեարկողներին վախեցնում էին, որ «մեկ ա՝ մեր թեկնածուն անցնելու ա, դու ես վատամարդ մնալու»։ Երբ ընտրական քարտեզներ էին վերաձևում, որ համապատասխան թեկնածուն ունենա համապատասխան քանակի քվե։ Երբ թեկնածու առաջադրվելու արգելքների վրա թքած ունեին, և ընտրական ցենզը համատարած չէր պահպանվում։
Այս ամբողջ մղձավանջը մենք կրկին վերապրեցինք ՀՖՖ գործկոմի և նախագահի ընտրությունների ժամանակ։ Եվ պարզ դարձավ, որ այս իշխանությունների կամքը՝ մաքուր ընտրություններ անելու, մինչև այն պահն է, երբ վտանգ չկա, որ իրենց թեկնածուն չի անցնելու»,-գրում է թերթը:
Նյութն ամբողջությամբ կարդացեք թերթի այսօրվա համարում:
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
ՀՀ ԱԺ ութերորդ գումարման տասնմեկերորդ նստաշրջանի հերթական նիստ