Գնաճը մեզ հետապնդում է նախատոնական օրերին․Արմեն Պողոսյան
Ամանորյա տոներին ընդառաջ գնաճ կա։ Այս մասին NEWS.am-ի հետ զրույցում ասաց «Սպառողների ասոցացիա» հասարակական կազմակերպության նախագահ Արմեն Պողոսյանը։
«Ամանորյա տոներին ընդառաջ գնաճ կա, չնայած դժվար է թվերով ներկայացնել, որովհետև նույնիսկ պետական մակարդակով այդ տվյալները չկան, սակայն գնաճը մեզ հետապնդում է նախատոնական օրերին։ Այժմյան շուկայական հարաբերություններում գնի վերահսկողություն չկա, գնի վերահսկողություն լինում է որոշ դեպքերում։ Եթե անհրաժեշտություն է լինում, կառավարությունը ժամանակավոր սահմանային գներ է սահմանում, որն առանձին դեպքերում է, իսկ գները միայն հարկմամբ է հսկվում, եթե բարձր գին են դրել, ուրեմն բարձր էլ պետք է հարկվի։ Իսկ հարկումը պետք է ՊԵԿ-ի աչքի առաջ արտացոլի գնագոյացման ցանկացած էլեմենտ։ Դա ե՛ւ ծախսերն են, ե՛ւ շահույթը։ Եթե շատ շահույթ ես ուզում ստանաս, նշանակում է պետք է շատ էլ շահութահարկ տաս, եթե այս մեխանիզմը գործի, ձեռնտու չի լինի գինը թռիչքաձև բարձրացնել։ Իսկ եթե կարողանում են թաքցնել, դա լուրջ իրավախախտում է և ՊԵԿ-ի աչքի առջև պետք է լինի»,-նշեց նա։
Նրա խոսքով՝ եթե նախորդ տարիների հետ համեմատում ենք, ապա գնաճը համեմատաբար մեղմվել է․ «Գների աճը նվազում է, այսինքն կա, բայց մյուս տարիների համեմատ ավելի մեղմ է, բացի այդ դրական է, որ վաճառողների և կազմակերպությունները ցուցադրման, մաքրման պայմանների առումով ավելի պարտաճանաչ են դառնում, իհարկե դեռ թերություններ կան, բայց չպետք է մոռանալ, որ սննդի որակը շատ լավ կարող է լինել, բայց պահպանման պայմաններում որակը կորցնի։ Սա մեծ շղթա է, որի ամեն մի էլեմենտը կարևոր է, բայց ես դրական առաջընթաց տեսնում եմ»։
Արմեն Պողոսյանը նշում է՝ անորակ մսամթերք շարունակվում է վաճառվել և չնայած դրական քայլ է, որ առաջիկայում կթույլատրվի վաճառել միայն սպանդանոցային միս, բայց միևնույն է՝ նա ՍԱՏՄ աշխատանքից գոհ չէ․ «Սա մի թեմա է, որի պատասխանատուն պետական տեսչական մարմինն է, ես իրենց աշխատանքը գնահատում եմ չաշխատելուն հավասար»։
Արմեն Պողոսյանը սպառողներին հորդորում է մսի վաճառակետերում պահանջել անասնաբուժի համապատասխան թույլտվությունը՝ ստորագրված և կնքված, ապա շեշտում, որ այդ թույլտվությունը ուժի մեջ է միայն մեկ օր․ «Այսինքն մենք պետք է նվազագույն գիտելիքներով պատրաստ լինենք, որ մեզ չխաբեն»։
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
ՀՀ ԱԺ ութերորդ գումարման տասնմեկերորդ նստաշրջանի հերթական նիստ