Արտակարգ դեպք Երևանում. ֆիզկուլտինստիտուտի 18–ամյա ուսանողը դանակի բազմաթիվ հարվածներ ստացած տեղափոխվել է հիվանդանոց

Քիչ առաջ Երևանի թիվ 1 համալսարանական հիվանդանոց է տեղափոխվել մի քաղաքացի: Ինչպես հայտնում է ֆոտոլրագրող Գագիկ Շամշյանը, վերջինս մարմնի տարբեր մասերում ստացել է դանակի 6 հարված և այս պահին գտնվում է վիրահատարանում: Բժիշկները նրա վիճակը գնահատում են միջին ծանրության:

Shamshyan.com-ի տեղեկություններով՝ վիրավորը Կոտայքի մարզի բնակիչ, 18-ամյա Ավետ Կ.-ն է, ով սովորում է Ֆիզիկական կուլտուրայի և սպորտի պետական ինստիտուտում: Այս պահին հիվանդանոց է ժամանել ոստիկանության կենտրոնական բաժնի օպերատիվ խումբը՝ դեպքի հանգամանքները պարզելու համար:

Բժիշկները ոստիկանության ծառայողներին հայտնել են, որ վիրավորը ի վիճաի չէ կատարվածի մասին բացատրություն տալու: Ըստ տեղեկությունների՝ նա դանակի հարվածները ստացել է ժողինստիտուտի հարևանությամբ գտնվող ինչ-որ տարածքում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Շտապօգնության ավտոմեքենան Թեղուտի մոտ կողաշրջվել է. բուժքույրը տեղափոխվել է հիվանդանոց Մшհվան ելքով վրաերթ՝ Երևանում Վիճաբանություն և ծեծկռտուք Սյունիքի մարզում․ կան վիրավորներ Նուբարաշենում բռնկված հրդեհի հետևանքով այրվածքներ ստացած եղբայրներից մեկը մահացել է 15-ամյա տղան վնասվածք է ստացել սառած գետնի վրա սայթաքելու և կոտրված ապակյա շշերի վրա վայր ընկնելու հետևանքով