ՀՀ-ում հետբուհական եւ մասնագիտական կրթության ծախսերը 2020 թվականին էապես կավելանան

Հայաստանում բարձրագույն եւ հետբուհական մասնագիտական կրթության ոլորտի ծրագրերի իրականացման ծախսերը եկող տարի նախատեսվում է ավելացնել ավելի քան 263 մլն դրամով։ Այս մասին ասվում է 2020 թվականի պետբյուջեի նախագծում։

2020 թվականի պետական բյուջեի նախագիծը նախատեսում է 21 ծրագրի եւ 176 միջոցառման ֆինանսավորում, որոնք իրականացվելու են կրթության, գիտության, մշակույթի եւ սպորտի նախարարության կողմից։

Տրամադրվելու է 179 մլրդ 459 մլն դրամ 2019-ի 158 մլրդ 886 մլն դրամի փոխարեն։ Պետական բյուջեի ծախսերն այս մասով ավելացել են 20 մլրդ 572 մլն դրամով, ինչը կազմում է 12,9 տոկոս։