6-րդ բաժինը ստուգումներ է կատարում խորհրդականիս եղբոր ընկերությունում. փոխվարչապետ

Որքան գիտեմ, Հայաստանի ոստիկանության կազմակերպված հանցավորության դեմ պայքարի 6-րդ գլխավոր վարչությունը ստուգումներ է կատարում «Eloyan Architects» ընկերությունում, իսկ Ավետիք Էլոյանը պատրաստվում է դիմել համապատասխան մարմիններ՝ Անշարժ գույքի կադաստրի նախկին նախագահ Սարհատ Պետրոսյանի դիմումների հետ կապված։ Այս մասին լրագրողների հետ զրույցում նոյեմբերի 18-ին ասաց Հայաստանի կառավարության փոխվարչապետ Տիգրան Ավինյանը՝ պատասխանելով հարցին, թե ներգրավված է արդյոք խախտումների հետաքննությունում նրա խորհրդական Ավետիք Էլոյանը։

Հարցին, թե արդյոք փոխվարչապետը կապ ունի այն բանի հետ, որ այդ ընկերությունը խոշոր պատվերներ է ստացել, այդ թվում շվեյցարահայ գործարար Վարդան Սրմաքեշի նախագծերով, Ավինյանը պատասխանել է, որ դրա հետ կապ չունի։

Ի պատասխան հարցի, թե եթե հանկարծ պարզվի, որ այդ ընկերությունն իրականացնում է նշված պատվերները, ինչ կհաջորդի դրան, փոխվարչապետն ընդգծել է. «Եթե կա շահերի բախում, ապա պետք է պատասխանատվության ենթարկել օրենքին համապատասխան»։

Ի պատասխան այն նկատառմանը, թե Պետրոսյանը խոսել է կլանային համակարգի առկայության մասին պետական կառավարման մեջ, Տիգրան Ավինյանը պարզաբանել է, որ չի հասկանում տերմինի իմաստը, որն օգտագործել է կադաստրի նախկին պետը։ «Չեմ կարծում, թե այն, ինչ ասում է Պետրոսյանը, համապատասխանում է իրականությանը»,- ամփոփել է նա։

Ավելի վաղ Անշարժ գույքի կադաստրի պետական կոմիտեի նախագահ Սարհատ Պետրոսյանն ասել էր, որ փոխվարչապետի խորհրդական Ավետիք Էլոյանը, որը անցյալում չի զբաղվել որեւէ գործունեությամբ Հայաստանում, ունի խոշոր նախագծային կազմակերպություն եւ համակարգում է հսկայական ներդրումային նախագծեր, իսկ նրա ընկերությունը մասնակցում է այդ բոլոր գործընթացներին։