«Հանգիստ վեր ընկեք տեղներդ» ․ԲՀԿ-ական փորձագետը՝ ԱԺ նախագահի օգնականին

ԲՀԿ խմբակցության փորձագետ Վահե Գրիգորյանը ֆեյսբուքյան գրառում է նվիրել ԱԺ նախագահ Արարատ Միրզոյանի օգնական Վահան Կոստանյանին՝ գրելով․ «Որպես մեծահոգի մարդ՝ Արարատ Միրզոյանի օգնական Վահան Կոստանյանին մի խորհուրդ տամ.

Ինչպես ձեր կուսակցության ղեկավարն է ասում. «Հանգիստ վեր ընկեք տեղներդ», դու կոնկրետ քաղաքական ուժերին խորհուրդ տալուց առաջ պետք է հիշես, որ շատ փոքր ես բառի թե բուն, թե փոխաբերական իմաստներով:

Ավելի լավ է քո` օրենքով սահմանված պարտականությունները սովորես և դրանց շրջանակներում օգնես վերադասիդ, այլ ոչ թե խառնվես «մեծերի» գործերին, նամանավանդ, որ հաճախ ոտքի տակ ընկնելու սեր ունես:
Ցտեսություն:
ՀՀ ԱԺ «ԲՀԿ» խմբակցության փորձագետ` Վահե Գրիգորյան»։

Հիշեցնենք, որ երեկ Վահան Կոստանյանն էլ գրել էր․ «Այս քառօրյայի ընթացքում քննարկվելու է նաև «օրենքով գողերի մասին օրենքը»։ Հույս ունեմ՝ ԲՀԿ-ն այսօրվանից դասեր կքաղի կատոկի տակ կրկին չընկնելու համար։
#անվճարխորհուրդներ»։

Հիշեցնենք, որ երեկ ԱԺ-ում «փոխհրաձգություն » էր՝ ԲՀԿ-ական պատգամավոր Գևորգ Պետրոսյանի ու Արարատ Միրզոյանի միջև, որի նյարդերը Պետրոսյանի՝ նույնասեռականներին նվիրված հերթական ելույթից հետո տեղի տվեցին, ու նա հայտարարեց՝ մի հատ էլ քֆուր դրեք քվերակության վրա։