Ռուսաստանի կողմից Ադրբեջանին զենքի վաճառքի հարցը Գյումրիում չի քննարկվել. Դաշնային Խորհրդի փոխնախագահ
Ռուսաստանի կողմից Ադրբեջանին զենքի վաճառքի հարցը Գյումրիում չի քննարկվել: Այս մասին նոյեմբերի 6-ին Հայաստանի Ազգային ժողովի եւ Ռուսաստանի Դաշնային ժողովի միջեւ համագործակցության միջխորհրդարանական հանձնաժողովի 32-րդ նիստին հայտարարեց Դաշնային Խորհրդի փոխնախագահ Յուրի Վորոբյովը:
Նա նշեց, որ այդ հարցով լրացուցիչ ոչինչ չի ասի, եւ հավելեց, որ համաձայն է ՀՀ ԱԺ փոխխոսնակ Ալեն Սիմոնյանի դիրքորոշման հետ: Վերջինս հայտարարել է, որ տվյալ հարցը չի մտնում տվյալ նիստի քննարկումների շրջանակում:
«Ռուսաստանի Դաշնությունը պահպանում է Հայաստանի հետ բարեկամական հարաբերությունները, համագործակցում է բոլոր ոլորտներում, որոնք հետաքրքրում են հայկական կողմին: Հայաստանի եւ Ռուսաստանի առեւտրատնտեսական հարաբերություններում խոչընդոտներ չկան: Մենք այսօր այստեղ քննարկել ենք մեր հարաբերությունների զարգացումը ԵՏՄ շրջանակում, որը տնտեսական հարաբերություններ եւ նորմատիվ-իրավական բազա է ձեւավորում, որը ԵՏՄ անդամ պետություններում միասնական շուկա ստեղծելու հնարավորություն է տալիս: Մեզ համար դա շատ կարեւոր է, քանի որ անհրաժեշտ է ավելի շատ օրենքներ ընդունել, վերացնել բարիերները: Կան տասնյակ բարիերներ, որոնք դեռեւս առկա են, եւ դրանց վերացման համար մենք՝ խորհրդարանականներս, պետք է շատ աշխատենք»,- նշեց Վորոբյովը՝ հավելելով, որ կա ծրագիր՝ ճանապարհային քարտեզ, որն առաջարկում է լուծել ԵՏՄ շրջանակում բոլոր հարցերը: Եվ հենց այդ հարցեր են եղել նրանց ուշադրության կենտրոնում:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...