Վազգեն Մանուկյանի հեռացման հարցը չի կարող դրվել
«Իշխող քաղաքական ուժն է Հանրային խորհրդի և Վազգեն Մանուկյանի շուրջ այդ վիճակը ստեղծում: Ավելի քան պարզ պետք է լինի բոլորին, որ դա արհեստածին մի բան է, որն արձագանք է Վազգեն Մանուկյանի՝ որպես անկախ, մտածող քաղաքական, հասարակական գործչի գործունեությանը»,- 168.am-ի հետ զրույցում ասաց Հանրային խորհրդի անդամ, Մարդու իրավունքների առաջին պաշտպան Լարիսա Ալավերդյանը:
Նա ընդգծեց, որ Հանրային խորհրդի նախագահ Վազգեն Մանուկյանի հեռացման հարցը չի կարող դրվել.
«Ավելին, ես համաձայն չեմ պարոն Մանուկյանի այն հայտարարության հետ, որ, եթե հանկարծ օրվա վարչապետի կողմից իրեն առաջարկվի, ինքը կընդունի և դուրս կգա: Ես չեմ հասկանում այդպիսի հայտարարությունները, ինչի մասին արդեն տեղեկացրել եմ պարոն Մանուկյանին: Խոսքն անձի, տվյալ դեպքում՝ Վազգեն Մանուկյանի մասին չէ, այլ Հանրային խորհրդի մասին է, որը սահմանադրական հաստատություն է, և այս առումով ես համաձայն չեմ պարոն Մանուկյանի դիրքորոշման հետ»:
Լարիսա Ալավերդյանն ընդգծեց. «Ներկա իշխանական ուժն ամենատարբեր գործիքակազմն օգտագործելով՝ ուզում է բոլոր հաստատություններում ունենալ զուտ այն անձանց, ովքեր չեն ուզում քննադատաբար մտածել և դրանով իսկ տապալում են իշխանություններին»:
Հիշեցնենք, որ Հանրային խորհրդի նախագահ Վազգեն Մանուկյանը հայտարարել էր. «Կա տեխնիկական խնդիր, որ ինձ օրենքով աշխատանքից կարող են ազատել միայն մյուս տարվա ապրիլի 4-ից հետո, բայց դա խոչընդոտ չէ: Քանի որ Հանրային խորհուրդը կառավարության խորհրդակցական մարմին է, և Հանրային խորհրդի նախագահին առաջադրում է վարչապետը, ինչը հաստատվում է կառավարության կողմից, բնական է, որ, եթե վարչապետն ինձ հրավիրի և ասի, որ ինչ-ինչ պատճառներով միասին աշխատել չենք կարող, ես մի րոպե չեմ տատանվի և դուրս կգամ Հանրային խորհրդից: Նաև ասացի, որ միգուցե վարչապետի հետ ինքս նախաձեռնեմ հանդիպում և քննարկեմ այդ հարցը, բայց գտնում եմ՝ ավելի բնական կլինի, եթե վարչապետը դա նախաձեռնի»:
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»