ԱՄՆ պատժամիջոցները Իրանի ղեկավարությանը ստիպել են ծախսերը կրճատել. Պոմպեո
ԱՄՆ պետքարտուղար Մայքլ Պոմպեոն կարծում է, որ ամերիկյան պատժամիջոցները Իրանին լուրջ վնաս են հասցրել եւ երկրի եկավարությանը ստիպում են ծախսերը կրճատել: Այս մասին պետքարտուղարն ասել է Fox Business-ի հետ հարցազրույցում:
Պետքարտուղարի կարծիքով՝ պատժամիջոցներն «իսկապես ազդում» են Թեհրանի վրա: Պոմպեոն նշել է, որ ԱՄՆ-ն «պետք է շարունակի ճնշում գործադրել» Իրանի վրա: «[Լիբանանյան շիական կուսակցություն] «Հիզբոլլահի», որոշ շիական կազմավորումների ռեսուրսներն ավելի են պակասել, Իրանում մուսուլման առաջնորդները ստիպված են իրենց բյուջեի վերաբերյալ ավելի դժվար որոշումներ ընդունել»,- ասել է նա:
ԱՄՆ պետքարտուղարը հույս է հայտնել, որ Վաշինգտոնի եվրոպացի դաշնակիցները կխստացնեն Իրանի դեմ քաղաքականությունը: «Կարծում եմ, որ եվրոպացիները ստիպված կլինեն հասկանալ, որ իրանցիները սխալ ճանապարհով են գնում»,- ասել է նա: Պոմպեոն պնդել է, որ Թեհրանը փորձում է «Եվրոպայից եւ Արեւմուտքից միջոցներ շորթել»: Նրա խոսքով՝ «սա Վաշինգտոնի եվրոպացի դաշնակիցների շրջանում մտահոգություն է առաջացնում»:
Երկուշաբթի ԱՄՆ ֆինանսների նախարարությունը հայտարարել էր Թեհրանի դեմ պատժամիջոցային ցանկի ընդլայնման մասին՝ դրա մեջ ներառելով Իրանի ԶՈՒ Գլխավոր շտաբը, ինչպես նաեւ երկրի 9 քաղաքացիների, որոնց թվում է երկրի հոգեւոր առաջնորդի որդին՝ Մոջթաբա Խամենեին եւ Իրանի իշխանությունների բարձրաստիճան այլ ներկայացուցիչներ: Ցուցակում է մասնավորապես Իրանի ԶՈՒ ԳՇ պետ Մոհամմադ Հոսեյն Բաղերին, ինչպես նաեւ մի ամբողջ շարք գեներալներ, հոգեւորականներ եւ պաշտոնյաներ: Իրանի ԱԳՆ պաշտոնական ներկայացուցիչ Աբաս Մուսավին իր հերթին հայտարարել էր, որ Վաշինգտոնի նման գործողությունները վկայում են միայն նրա «հուսահատության եւ դիվանագիտությունը շահավետ օգտագործելու անընդունակության մասին»:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Լավ տղան ընտրակաշառք չի վերցնի․ Գեղամ Նազարյան
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Երևանում մի քանի փողոցներում կփոխվի երթևեկության կազմակերպումը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...