Չեմ հավատում, թե իշխանությունները բռնի ուժի կիրառմամբ կբացեն Ամուլսար տանող ճանապարհը, բայց այդ սցենարին ևս պատրաստ ենք. Ջերմուկի բնակիչ
Ոչ միայն Ջերմուկ համայնքի բնակչությունը, այլև բազում հայեր իրենց կամքով, որոշմամբ և իրավունքով Ամուլսարում փակել են հանքարդյունաբերության էջը: Այս մասին Tert.am-ի հետ զրույցում ասաց Վայոց Ձորի մարզի Ջերմուկ համայնքի բնակիչ, ակտիվիստ Շիրակ Բունիաթյանը` անդրադառնալով կարծիքներին, թե Ամուլսարի շահագործման դեմ պայքարը մարել է:
«Պայքարը կանգ չի առել: Մեր վերջին խոշոր ակցիայից հետո, որն ուղեկցվեց ջերմուկցիների դասադուլ-գործադուլով, հասկացանք, որ ունենք բավարար ուժեր` հարցը տվյալ ձևով լուծելու համար, բայց քանի որ մենք կիսում ենք հեղափոխության գաղափարախոսությունը և չենք ցանկանում`Հայաստանում ցնցումներ լինեն, դրա համար ակտիվ վիճակն է մի քիչ մարել»,-ասաց Բունիաթյանը` ընդգծելով, որ բնակչության շրջանում դիրքորոշման փոփոխություն, վստահաբար, չկա:
«Բնակիչներս հաստատակամ ենք մեր որոշման մեջ, մենք Ամուլսարի հարցը դիտարկում ենք նույն հարթության վրա, ինչպես Արցախի հարցը, դրանք չենք տարանջատում: Երկուսն էլ մեզ համար հայրենիք են, և Ամուլսարի փրկության ու պահպանության համար մենք պատրաստ ենք պայքարել մինչև վերջ»,-նշեց Ջերմուկի բնակիչը:
Վերջինս, անդրադառնալով իր ֆեյսբուքյան էջում կատարած գրառմանը, թե Ջերմուկում որոշ անձինք հանդիպումներ են ունենում բնակիչների հետ և տարատեսակ սպառնալիքներով համոզում դուրս գալ Ամուլսարի պայքարից, ասաց, թե այդ անձինք, հավանաբար, նախկին իշխանության ներկայացուցիչներ են:
«Չգիտեմ` ում հրահանգով, միգուցե` սեփական նախաձեռնությամբ: Բայց քանի որ այս պահին հստակ փաստեր չունեմ, անուններ չեմ տա: Մենք կունենանք ապացուցող փաստեր, թե ով, երբ և ինչ է ասել, և կհրապարակենք դրանք»,-ասաց Բունիաթյանը` նշելով, որ հնարավոր փաստերը ներկայացնելու կաշկանդվածություն և վախեր չունեն:
Հարցին` հավանական համարո՞ւ մ է պնդումները, թե իշխանությունները Ամուլսար տանող ճանապարհը կբացեն, և հանքը կշահագործվի ոստիկանության բռնի ուժի կիրառմամբ, և որ ՀՀ նոր ոստիկանապետ կնշանակվի այնպիսի անձ, որը կգնա բռնությամբ ճանապարհը բացելու քայլին, Շիրակ Բունիաթյանը պատասխանեց.
«Ես չեմ կարծում, որ պետք է հնին վերադարձ կլինի, և բռնի ուժի գաղափարը նորից կվերադառնա Հայաստան: Ամեն դեպքում, փորձում ենք չհավատալ նման սցենարների, բայց ոչինչ չենք բացառում»,-ասաց Բունիաթյանը` ընդգծելով, որ այդ սցենարին ևս պատրաստ են և չեն նահանջի:
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
Իրանում կոտրել են պետական հեռուստաալիքների հեռարձակումը․ էկրանին է հայտնվել Փահլավիի ուղերձը