Հուդայականության, քրիստոնեության և իսլամի ներկայացուցիչները «կյանքի ավարտի» մասին համատեղ հռչակագիր են ստորագրել
Վատիկանում հուդայականության, քրիստոնեության և իսլամի ներկայացուցիչները կյանքի ավարտի մասին համատեղ հռչակագիր են ստորագրել։ Այս մասին տեղեկացնում Է Վատիկանի ռադիոն:
Նշվում է, որ այդ փաստաթղթի մշակման գաղափարը պատկանում է իսրայելական Բիոէթիկայի ազգային խորհրդի համանախագահ, ռաբբի Աբրահամ Շտեյնբերգին, որն այն առաջարկել է Ֆրանցիսկոս պապին: Սրբազան Հայրն աջակցել է վերջինիս առաջարկին ու կյանքի պաշտպանության պապական ակադեմիային՝ արքեպիսկոպոս Վինչենցո Պալյայի գլխավորությամբ, հանձնարարել համակարգել համատեղ միջկրոնական խմբի աշխատանքը, որը կազմավորվել է հռչակագիրը գրելու համար:
«Բժշկական օժանդակությամբ էվթանազիան և ինքնասպանությունը բարոյականության և կրոնի տեսանկյունից սխալ են և պետք է արգելվեն՝ առանց բացառության: Ոչ մի բժիշկ չպետք է պարտադրվի կամ ենթարկվի ճնշման՝ հիվանդի կամավոր և կանխամտածված մահվան մեջ ուղղակի կամ անուղղակի մասնակցություն ունենալու համար»,- ասված է փաստաթղթում:
Հռչակագրում նշվում է նաև, որ բժիշկներն ու հասարակությունը պետք է հարգեն «մահամերձ հիվանդի՝ իր կյանքը երկարացնելու ու պահպանելու ցանկությունը, թեկուզ կարճ ժամանակով»՝ օգտագործելով բուժման համապատասխան մեթոդները:
Այս առումով, փաստաթուղթը նշում է, որ «մարդկային կյանքի տևողությանն ու իմաստին վերաբերող հարցերը չպետք է մտնեն բժշկական անձնակազմի իրավասության մեջ», որոնք միայն պատասխանատվություն են կրում «հիվանդների լավագույն խնամքի և առավելագույն օգնության համար»:
Կրոնները դեմ են էվթանազիայի և բժշկական աջակցությամբ ինքնասպանության ցանկացած դրսևորման, քանի որ դա լիովին հակասում է «մարդկային կյանքի արժեքի» գաղափարին և բացարձակապես անընդունելի է բարոյական և կրոնական տեսանկյունից: Փաստաթղթում նաև նշվում է, որ բոլոր մահացողների համար պետք է հասանելի լինի կրոնական օգնությունը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար