Կրեմլն արձագանքել է ԻՊ առաջնորդին չեզոքացնելու մասին Թրամփի հայտարարությանը
ՌԴ նախագահի մամուլի քարտուղար Դմիտրի Պեսկովը չի մեկնաբանել ԱՄՆ-ի նախագահ Դոնալդ Թրամփի հայտարարությունները ամերիկացիների կողմից «Իսլամական պետություն» ահաբեկչական խմբավորման պարագլուխ Աբու Բաքրա ալ-Բաղդադիին չեզոքացնելու մասին, հաղորդում է ՏԱՍՍ-ը:
«Տեսեք Կոնաշենկովինը (ՌԴ Պաշտպանության նախարարության պաշտոնական ներկայացուցիչ Իգոր Կոնաշենկովի հայտարարությունը)»,-ասել է Պեսկովը ՏԱՍՍ-ին՝ պատասխանելով հարցին, թե ունի արդյոք Կրեմլն ունի ԻՊ առաջնորդի չեզոքացման մասին տեղեկությունների հաստատումը:
Թրամփը հայտարարել է հոկտեմբերի 27-ին սիրիական Իդլիբ նահանգում հատուկ գործողությունների արդյունքում ալ-Բաղդադիի չեզոքացման մասին: Նրա խոսքով՝ ալ-Բաղդադին պայթեցրել էր ինքն իրեն իր երեք երեխաների հետ, իսկ նրա բազմաթիվ համախոհները ոչնչացվել էին գործողությունների ընթացքում: Ամերիկյան զինծառայողների շրջանում զոհեր չկան: Թրամփը նաեւ շնորհակալություն է հայտնել գործողություններում աջակցության համար Ռուսաստանին, Իրաքին, Սիրիային եւ Թուրքիային:
Ընդ որում՝ ՌԴ Պաշտպանության նախարարությունը կասկած է հայտնել իրականացված գործողությունների իսկության առնչությամբ՝ հայտարարելով, որ նախարարությունը չի տիրապետում հավաստի տեղեկատվության եւ չի բացել Սիրիայի երկնքում օդային տարածքը ամերիկյան ավիացիայի համար: Կոնաշենկովը նաեւ հայտարարել է, որ ալ-Բաղդադիին չեզոքացնելու մասին հաղորդագրությունը չի ազդի Սիրիայում իրավիճակի վրա:
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Ռուսաստանում սև մետաղների ջարդոնի մատակարարումները նվազել են մոտ մեկ երրորդով
Իրանում կոտրել են պետական հեռուստաալիքների հեռարձակումը․ էկրանին է հայտնվել Փահլավիի ուղերձը