Ընդդիմադիրները թույլ չեն տվել Քերի Լեմին ընթերցել ուղերձն օրենսդիր ժողովին
Հոնկոնգի ղեկավար Քերի Լեմը հարկադրված էր ընդհատել տարեկան ուղերձն օրենսդիր ժողովին այն բանի պատճառով, որ ընդդիմադիր խմբակցություններն սկսել են գոռգոռալ եւ ընդհատել նրան: Դրանից հետո Լեմի վարչակազմում որոշել են, որ ուղերձի ընթերցումը տեսագրությամբ կցուցադրվի հեռուստատեսությամբ, տեղեկացնում է BBC-ին:
Լեմի տարեկան ուղերձը՝ երրորդը նրա կարիերայում, ընդհատել են ընդդիմադիր վեց պատգամավորներ: Նրանք քաղաքի ղեկավարից պահանջում էին արտահայտվել ցուցարարների հինգ պահանջների շուրջ:
Այդ պահանջներն են՝ Չինաստան արտահանձնման մասին օրինագծի հետկանչը, ձերբակալված բոլոր ընդդիմադիրների ազատումը եւ բողոքների իրավաբանական վերաորակավորումը, որոնք կառավարությունը համարում է զանգվածային անկարգություններ: Նաեւ ընդդիմությունը պահանջում է ոստիկանության գործելակերպի անկախ հետաքննություն եւ ընտրական համակարգի բարեփոխում:
Երբ Լեմն սկսել է խոսել, նրա թիկունքում հայտնվել է «Հինգ պահանջ, ոչ պակաս» կարգախոսը. ընդդիմադիր օրենսդիրները այն պրոյեկցել են պատի վրա: Մի քանի պատգամավորների դուրս են բերել դահլիճից, բայց երբ Լեմը փորձել է վերսկսել ելույթը, նրան դարձյալ սկսել են ընդհատել:
Լեմը հարկադրված է եղել ընդհատել ելույթը եւ դուրս գալ դահլիճից:
Հոկտեմբերի 16-ին Հոնկոնգի խորհրդարանն առաջին անգամ է հավաքվել այն բանից հետո, երբ հուլիսին ցուցարարները գրոհով գրավեցին այն:
Հոնկոնգում զանգվածային ելույթներն սկսվել են հունիսին: Դրանք ուղղված են օրենքի ուղղումների վերաբերյալ այն առաջարկությունների դեմ, որոնք իշխանություններին թույլ կտային հանցագործությունների կատարման մեջ կասկածվողներին արտաքսել Չինաստանի մայրցամաքային մաս: Ավելի ուշ այդ ելույթները վերաճել են անկարգությունների ու ավերումների:
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ո՞ւմ է ուզում ԱԺ նախագահ դարձնել Փաշինյանը
Ինչու են նոր մոդելները թանկանում, իսկ միլենիալները վազում վինտաժի հետևից
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին
ՀՀ արտաքին հետախուզության ծառայությունը հրապարակել է Հայաստանի արտաքին ռիսկերի վերաբերյալ 2026թ. զեկ...
Ամբողջ գիշեր ճանապարհներին իրականացվել են ձնամաքրման աշխատանքներ (տեսանյութ)